Den buskeda pa sobrevivientenan na California

Trahadonan di rescate na parti sur di California ta buscando sobrevivientenan despues cu tabata tin inundacionnan grandi y mudslides cu a laga 13 persona morto te ainda. Mas cu 48 KM for di e careteranan di costa a wordo cera y autoridadnan ta bisa cu henter e area ta mustra manera ‘un bataya manera prome guera mundial’ tumando luga. E prome awasero cu a cuminsa cay rond December 2017 a causa basta mudslide despues cu el a afecta e tera cu tabata kima por medio di e candelanan grandi cu tabata tin den mondinan (wild fire). Despues di un candela manera esaki, vegetacion y tera kima ta traha un tipo di layer cu ta evita awa pa wordo absorba. Conhuntamente cu e perdida di vegetacion, esaki ta causa riesgo grandi di mudslides y inundacion.

Un grupo di 300 persona tabata pega den e Romero Canyon, cerca di Santa Barbara, unda cu trahadonan di rescate ta trahando duro pa yuda mas hende cu nan por. Segun reportahe di BBC, e cantidad di morto por spera cu lo subi. Mas cu 50 persona a keda rescata caba pero ainda tin varios luga cu trahadonan di rescate no por yega na dje. Varios caminda ta cera, incluyendo un highway principal cual ta Highway 101. Mas cu 163 persona a wordo transporta pa hospital cu diferente tipo di herida.

Fuente: BBC

You May Also Like

_90709366_6ab4ddde-8db6-4c98-9e9f-0e666c145a91.jpg

Mexico den buskeda pa victimanan di tormenta Earl

Trahadonan di emergencia na Mexico ta buscando hende cu por a sobrevivi e tormenta Earl ...

e07f26cd508503f054ba7bdce5f280e219af619cf337b30f297dfe0da446853e_3743009.jpg

FBI ta perde speransa den caso di hijacking den aña 1970

DB Cooper, kende a bula di un Boeing 727 cu $200,000 , nunca a ...

160503115653-somali-refugee-medium-plus-169.jpg

Muhe di Somali ta cende su mes na candela den sala di detencion

Un muhe di 21 aña di edad, buscado di asilo di Somali, a cende ...

Abogado di ex-presidente Martinelli a entrega su mes pa polis

Diaranson Evelyn Vargas, cu ta abogado di Ricardo Martinelli a entrega su mes na autoridad ...