Minister di husticia di Reino Ferd Grapperhaus a reuni cu Ministerio Publico (OM) y abogadonan diahuebs mainta pa discuti e asesinato ‘sin precedente’ diaranson mainta, kende tabata envolvi den un investigacion contra asesinato ehecuta pa Gangland.
Derk Wiersum, kende tabata representando Nabil B, un testigo principal den e caso contra hefe di Gangland Ridouan Taghi, tabata asesina diaranson mainta pafo di su cas. Aña pasa e gang a asesina Nabil su ruman tambe, cual pa hopi tabata un acto pa intimida Nabil pa no declara contra nan. E encuentro cu OM y abogadonan ta pa dicidi con ta bay garantisa e siguridad di abogadonan den casonan di tal indole, Grapperhaus a bisa reporteronan.
E hefe di e fiscalnan na OM, Fred Westerbeke, a comenta durante programa Nieuwsuur riba diaranson mainta cu nan a tuma medidanan pa proteha tur persona envolvi den e caso contra Taghi. E unidad contra terorismo NCTV tambe ta envolvi den e investigacion di e asesinato. Westerbeke a sigui conta Nieuwsuur cu Wiersum a discuti e problemanan di siguridad cu oficialnan y cu nan a tuma algun stap pero cu nunca lo a considera asesinato como un posibilidad.
Grapperhaus ta reconoce cu baho mundo a cuminsa ‘grijp in’ na Hulanda
Den un analisis, corant AD a bisa cu asesinato contra abogado ta marca un cuminsamento di un ‘era scur’ cual ta mustra cu baho mundo ta prepara pa ataca ley y orden directamente. Abogadonan, fiscalnan y huesnan ta haci nan trabou sin proteccion, e corant a bisa. ‘Hulanda ta, of tabata, un pais unda e prome minister ta subi bais pa bay trabou’, e corant a bisa.
Maske Grapperhaus ta rabia cu e asesinato, e ta consciente cu baho mundo a cuminsa preta su grip riba sociedad y cu mas cu un cuarto parti di e pais su alcaldenan a ricibi menasanan di criminalnan, e corant a señala.
