Den medicina no tin placa den cura, tin placa den tratamento

ORANJESTAD – Gino Wauben kende ta e presidente di e fundacion ILA, ta bisa cu tin caso cu un persona ta uza marihuana y ta yuda nan cu malesa cu nan por tin.

Si tin cambio cu leynan, lo ta bon pa economia y lo baha e gastonan cu tin den cuido di salud. Si ta papia di cualkier malesa, e cantidad di remedi cu ta uza no lo ta necesario mas, si e uzo di e planta di cannabis lo yuda. Tin persona cu tin cancer cu no por yega na e mata.

Wauben sa di casonan cu persona ta haya diagnostico di algun luna pa biba. E pashent aki, den su tristesa y su pensamento ta mata mas lihe, pa motibo cu ta pensa cu no tin nada mas pa nan.

E componentenan di cannabis, CBD ta yuda e parti medicinal y THC ta bin acerca pa motibo cu e ta traha miho, segun Wauben ‘the plant effect’. Wauben si ta remarca cu no por pone cannabis cu cocaina den e mesun grupo. Bon dia Aruba a punta dicon e wowo di persona ta bira cora ora nan huma cannabis. E ta bisa cu ‘e ta un relahante muscular’.

Wauben ta di opinion cu e mentalidad lo cambia pa e generacion cu ta biniendo ta haci mas investigacion. E ta agrega cu persona awendia kier sa mas y ta activo. Testimonio di hende ta positivo.

E efecto secundario, segun Wauben no ta nada di preocupa. E ta pone drumi, come bon, e ta yuda den malesanan traumatico (PTSD), y stress. E ta bisa cu tin cosnan mas adictivo cu cannabis, manera cafeina. “E veneno ta den e dosis. Tur cos den exceso ta malo, depende con bo ta tum’e. E no ta traha cu tur hende. Tur ta diferente.”

Wauben ta bisa cu tambe tin supositorio pa uzo di cannabis. Un caso cu un persona a uza un crema cu cannabis pa su wratten, el a uza pa 10 dia pa elimina, e no a sali nunca mas. Tambe tin inhalers di cannibis cu ta wordo uza na Israel. Indjan tambe a haci crema di cannabis pa uza pa joints.

Tin azeta pa hende cu cancer, y malesa di Parkinsons. Segun Wauben tin hende cu ta uza actualmente, pero tin e adultonan cu ta busca, pero tin miedo. Sinembargo e ta bisa cu e stigma cu e ta un ‘gateway drug’ tin cu stop.

E miedo tambe ta pa e posibilidad di e drugtest, cu nan por haya cannabis den nan sistema. E ta splica cu manera cocaina ta sali for di sistema, pero no den caso di cannabis cu ta retene paso, segun e curpa, mester di dje. “Den bo celebro tin e sistema cannabinoide. E ta controla e curpa ta den balans. E ta yuda cu sistema inmune. E unico mata cu ta traha compuestonan pa e sistema cannabinoide ta esaki.” Segun e ta bisa cu si un persona tin un mal estilo di bida, e sistema inmune ta baha. Ademas, cannabis por ta un suplemento pa regula e bon funcionamento di bo celnan.

Tin hende cu ta kere cu esunnan cu ta uza cannabis ta personanan cu ta kere cu no tin nada den nan bida, pero e ta remarca cu tin abogado, dokter y personanan profesional cu ta uza cannabis normalmente.

Den caso cu ta ripara cu hobennan ta banda di beach ta humando, ta stricto cu nan y ta kita nan fe scol. Wauben ta bisa cu esey ta haci mas daño, anto nan por ‘coy e caminda di caya’. Nan ta cuminsa horta of otro maldad. E ta bisa cu mester duna nan conseho, y splica nan pakico mester ta cauteloso, pa no perhudica nan.

Pa locual ta religion, e ta bisa cu personanan ta kere cannabis ta algo malo, pero ‘nan kier bebe un glas di biña’. “E tin di haber cu opinion ta ignorancia. Nan no sa precisamente kico e ta, anto no ta haci investigacion. Tampoco mester trata esunnan cu ta haci uzo manera criminal.”

El a finalisa ta splica cu nan regulacion ta basa riba ciencia, compasion, salud y derecho humano. E ta remarca cu interes financiero ta bay na prome luga, ‘esey te problema cu cannabis. Den medicina no tin placa den cura hende, pero pa trata hende’.

You May Also Like

5container scanner.jpg

Container scanner restaura despues di 2 aña fo’i servicio

Despues di 2 aña fo’i servicio, diabierna ultimo Minister di Finansa Angel Bermudez hunto ...

editorial

Corupcion den duana…

Señal cu mester cuminsa pasa basora den nos aparato publico? Pa prome biaha den ...

Bendedonan di cuminda no ta cumpliendo cu ley

Dia 1 di januari ultimo a drenta na vigor e ley cu ta prohibi ...

Interpark Coney Island cera pa 48 ora debi na incidente di diasabra

Diasabra un mucha a cay for di un di e weganan na Interpark Coney ...

ATA uza como modelo (2).JPG

‘ATA uza como modelo pa autoridad di turismo di St. Lucia’

St. Lucia lo institui un autoridad di turismo inspira pa esun di Aruba, segun ...