E Departamento di Aviacion ta conduciendo un inspeccionnan di rutina riba cuater di e ocho avionnan cu InselAir tin den operacion na Aruba. Pa un aerolinea tin cuater avion pa wordo inspecciona na mesun momento no ta algo normal. Inspeccion riba dos avion ta wordo completa y e dos avionnan aki lo opera entrante awe mainta.
Pa motibo di e implantacion di “low-season” schedule dos avion di InselAir Aruba y uno di InselAir Curaçao a wordo afecta pa e evento aki durante e ultimo dos dianan , cual InselAir ta lamenta. Por bisa cu tur e otro vuelonan di InselAir Aruba tabata opera segun Schedule.
Mirando cu InselAir Aruba ta opera su avionnan cu e standardnan halto mundialmente di siguridad , InselAir Aruba ta spera cu e otro dos avionnan lo ta cla pa bay bek den operacion pronto.
