Departamento di Impuesto lo traha “nonstop” pa entrega di plachinan

ORANJESTAD – Diamars pasa durante un conferencia di prensa cu Departamento di Impuesto a tene, su director Luenne Gomez y P.R Meverly Romano, a anuncia ki dia departamento lo cuminsa entrega e plachinan di number pa aña 2019.

Gomez a splica cu actualmente nan tin 15.000 cliente cu a paga nan impuesto di vehiculo di motor desde comienso di december te awo y nan ta hayando varios yamada di clientenan desde cu e siman a habri pa puntra ki dia nan lo cuminsa haci entrega di plachi di number.

A anuncia tambe cu a keda cla cu e trabaonan di control, a recorda cu dia 24 di december e container cu a trece tur e plachinan a yega Aruba cu un tiki di retraso, y cu a crea un ekipo encabesa pa Omar Maduro pa traha riba e control di e plachinan.

Di mas di 80.000 plachi cu a haya, seis plachi A no tabata inclui, dos plachi A mester a traha di nobo y un plachi no a bin completo. Departamento di Impuesto lo tuma contacto cu e clientenan di e plachinan ey pa avisa nan di esaki. Tambe a anuncia cu ta bay tin dos localidad pa e clientenan por busca nan plachinan, cu ta local 2 y local 4 na edificio D, a splica cu ta uzando dos local pa asina nan por parti e fluho di cliente miho, pa motibo cu tin hopi cliente cu a paga caba.

Pago segun periodo di pago
Departamento di Impuesto kier parti e clientenan pa busca nan plachi segun secuencia di pago, esaki ta un cambio cu e Departamento a trece pa asina nan por structura e entrega di plachi y asina e proceso no lo bira un caos.

A splica cu nan lo bay haci cu tur cliente cu a paga entre 1 y 8 di december, por ehempel, ta haya oportunidad pa busca nan plachi desde 9 di januari te 10 di januari, esunnan cu a paga desde 12 di december ta busca plachi dia 11 y 12 di januari.

E departamento lo bay traha riba diasabra tambe, desde 8or di mainta te 8or di anochi, y riba diasabra di 8or di mainta te 6or di atardi.

Tambe a anuncia cu si un cliente a paga y ta haya sa ki dia e por busca su plachi, ta haci un apelacion na e cliente pa busca plachi riba e dia cu a pone pa e cliente acudi. Manera a comenta, tur hende sa cu comunidad tin regla, y mester coopera cu e departamento pa tur cos cana bon.

Sra. Gomez a duna di conoce cu hende cu mester busca nan plachi riba cierto no mester bay busca nan plachi despues, pa motibo cu e departamento no lo bay yuda e cliente cu no ta coresponde cu su dia asigna. Si e persona no por acudi riba e dia duna, por laga otro hende busca plachi riba e dia stipula.

Pakico retraso di control
Bon Dia Aruba a puntra pakico e Departamento di Impuesto a contrata un compania pa traha e plachinan y no ta rekeri di e compania mes pa haci e control cu tur cos ta completo y den bon condicion y ta loke gobierno a pidi. Pakico anto tanto retraso pa crea un ekipo di control cu tabata mester tanto tempo pa controla tur cos.

A contesta cu e compania ta haci su control na momento cu ta pone e plachinan den container pa manda Aruba, “nos ta haci e di dos control pa nos mes, pa ora nos ta cla pa entrega e fayonan cu nos haya ta minimal.” Tambe a bisa cu no por demanda e compania pa e fayonan chikito; cu nan tin bon relacion cu e compania cu ta traha e plachinan.

A splica cu e departamento tin alrededor di 85.000 number registra, di cual den categoria A tin 76.400. E demas ta e otro categorianan manera truck, motorcycle, etc.

Ta pidi e publico comprension pa e situacion den e dianan aki pa loke trata e parti di pago, y cu e departamento ta trahando tur dia “nonstop”, tur cliente cu ta desea acerca e departamento durante oranan di merdia esey ta posibel.

Pa loke ta e cantidad di cliente cu por permiti pa haci pago na e departamento mes, tin un limite pa esaki, teniendo cuenta cu siguridad di e personal y di e cliente; momento cu e sala ta yen y ta bira insigur, lo stop di duna number.

E recomendacion ta keda pa haci pago online, pa evita para den rij.

You May Also Like

Delgado: ‘Bin cu un Censo di Venezolano cu kier aporta y laga nan contribui!’

ORANJESTAD— Diasabra ultimo tabatin un segundo aglomeracion di personanan Venezolano na Plaza Bolivar, unda ...

7 ilegal gara riba boto na Baby Beach

Diamars anochi e radar di Warda Costa a detecta movecion pazuid di Baby Beach. ...

download.jpg

Welga interno den W.E.B.; Clientenan a wordo pidi pa sali for di edificio

”Nos ta spera cu gerencia sinta pensa cu ora ta priminti algo, cu mester ...

Midimento pa otro desaroyo comercial den area di naturalesa

Organisacion ambiental Aruba Birdlife Conservation (Abc) a bati alarma siman pasa pidiendo comunidad pa ...

Parlamento a aproba 5 ley den 1 dia

E reunion ayera den Staten a bay den un forma turbulento unda oposicion a ...

diego de cuba

Sindicato nobo kier lanta cabes na aeropuerto

Tin indicacion cu un grupo di trahado di aeropuerto y malcontento cu sindicato STA ...