E Departamento di Trabao Social y Desaroyo den Facultad di Arte y Ciencia di Universidad di Aruba tin e placer pa invita pueblo na un combersacion riba e tema: “Solucionnan Innovativo pa Pobresa na Aruba, Latino America y Caribe.” E evento aki lo tuma luga diahuebs 12 di juni 2025, di 7:00 anochi te 9:00 anochi na Biblioteca Nacional Aruba.
E evento aki ta parti di e exposicion di potret “Framing Social Problems and Solutions”, un iniciativa dirigi pa studiantenan den e curso di Asuntonan Social di Latino America y Caribe den e programa di bachelor pa Trabao Social y Desaroyo. Como parti di nan estudio, studiantenan ta explora asuntonan social na Aruba y den region, aplicando teoria sociologico pa comprende e causanan principal y propone solucionnan sostenibel. Potretnan selecciona cu ta representa pobresa lo ser exponi durante e combersacion publico.
Obhetivonan di e Combersacion Publico:
- Explora e causanan principal di pobresa
- Discuti enfoke innovativo pa reduccion di pobresa
- Resalta e rol di gobierno, CEDE Aruba, organisacionnan comunitario, iniciativa di hubentud y participacion civico
- Inspira studiantenan di Trabao Social pa tuma un rol activo den combati pobresa
Conferencistanan Presenta:
- Daniel Tecklenborg, Director, CEDE Aruba
- Louisette Christiaans-Yarzagaray, Consehero di Politica, Planificacion pa Desaroyo Sostenibel (SDP)
- Gayle Arendsz, Consehero di Politica, Departamento di Asunto Economico, Comercio y Industria (DEZHI)
- Studiantenan di Trabao Social, Universidad di Aruba
Moderador:
Ghislaine Nicolaas, Docente Part-Time, Departamento di Trabao Social y Desaroyo
E evento aki ta gratis y habri pa henter publico. Nos ta invita tur miembro di comunidad, profesionalnan y studiantenan pa participa den e dialogo importante aki pa forma un futuro equitativo door di innovacion y colaboracion.
