Den un prome boletin special emiti pa Meteo Aruba, e autoridad meteorologico local ta duna di conoce cu Aruba no ta bou di ningun aviso of menasa di tsunami, relaciona cu e temblor cu a tuma luga den e lama entre Cuba cu Jamaica.
Dato disponibel riba un temblor cu a sosode 3:10pm ora local, 28 di januari 2020:
Departamento meteorologico di Aruba ta ratifica cu no tin menasa di un tsunami pa Aruba
Informacion preliminar di e sismo:
- Magnitud: 7.7
- Ora di origen: 1919 UTC Jan 28 2020
- Coordenada: 19.3 Noord 78.8 West
- Profundidad: 10 KM/6 Miya
- Ubicacion: Region di Cuba
Pronostico di menasa di tsunami (actualisa)
Olanan di tsunami cu por alcansa entre 0.3 pa 1 meter riba nivel di lama por ta posibel den algun costa di Belize, Cuba, Honduras, Mexico, Cayman Islands y Jamaica.
Cu e informacion aki ta mustra cu Aruba no ta den ningun tipo di peliger pa haya un tsunami, relaciona cu e temblor cu a origina entre Cuba cu Jamaica.
