Derame di crudo na Colombia lo por yega Lago di Maracaibo

Juan Camilio Restrepo, hefe negociador di gobierno Colombiano cu Ehercito di Liberacion Nacional (ELN), a alerta cu e petroleo cu derama pa motibo di un atake riba un oleoducto den teritorio Colombiano lo por yega Lago di Maracaibo. 

“Lo ta bon si por tin un pronunciamento di Venezuela condenando e atentadonan di ELN ora e contaminacion yega te na Lago di Maracaibo” el a expresa riba su cuenta di Twitter.

Restrepo a señala cu e atentadonan di e organisacion guerillero ta un crimen ambiental grave y e pio prologo pa e ‘cese al fuego’, acorda pa inicia dia 1 di october, cu presidente Juan Manuel Santos. No tabatin comentario encuanto continuacion di e negociacion di gobierno cu ELN, cu ta tuma lugar na Quito, Ecuador.

Miembronan di ELN a activa un artefacto explosivo den un tramo di e oleoducto Caño Limón-Coveñas, cerca di e poblacion di Teorama, den departamento di Norte de Santander, haciendo frontera cu Venezuela. E atake  a causa e derame di crudo na varios riu.

Santos a rechasa e atentado categoricamente: “E ta afecta e poblacion civil y ta laga un daño ambiental grave.”

You May Also Like

Republica Dominicana: Cinco morto den accidente di bus

E informe di Defensa Civil di La Vega a informa di cinco morto den ...

Huelga di maestro a laga mas di 3 miyon studiante sin haya les na Peru

Huelga di maestro di enseñansa publico na Peru ta un lucha serio entre e ...

Venezuela: Dos persona aresta na Merca pa corupcion cu Pdvsa

Un ex-representante di benta y e presidente di un compania cu sede na Merca ...

Brasil: Mas di 90 prisonero a huy via tunnel di un prizon

Diahuebs mas di 90 prisonero di estado di Rio Grande di Norte, Brasil, a ...

Peticion na conseho di siguridad pa embargo di arma y municion

Un delegacion di Venezolano, presidi pa Antonio Rivero, general retira di Ehercito, a solicita ...

Tres funcionario deteni den tragedia na prizon di menor

Dialuna atardi a keda deteni ex-secretario di bienestar social Carlos Rodas, ex-subsecretario di bienestar social ...