Desconoci a viola y mata un mucha muhe di 16 aña na Argentina

E curpa di un hoben di 16 aña a ser haya morto pa dos mucha chikito, cu tabata hunga na un finca na e ciudad Argentino di Alberti, 140 kilometer na sur di Buenos Aires.

Investigadornan cu a bay na e lugar, unda e hoben morto tabata, a splica cu nan a haya e adolescente semi sunu, boca riba, cu hopi golpi na su parti intimo y cu dos klinker riba su cueyo”, corant “La Gaceta de Tucuman” a publica.

E victima a ser identifica como Ornella Dotori, y a ser asesina 48 ora prome cu momento cu e dos muchanan a hay’e, specialista cu a analisa su curpa a comenta.

Segun e corant, Dotori tabatin problema cu droga, pasobra par di luna atras, polis a haya un orden hudicial, pa asina interna e mucha muhe den un hogar special na capital di Tucuman.

Buskeda di Araceli
Polis y un famia Argentino ta busca otro hoben cu a disparce desde diadomingo na wega di futbol di San Martin. E yama Aracelli Fulles y tin 22 aña.

Bisiña a bisa cu nan a mira Aracely pa ultimo biaha diadomingo marduga, mesun dia cu el a manda un mensahe pa su mama, cerca di 7 or bisando cu e tabata yegando cas caba.

E cantidad di feminicidio na Argentina ta hopi tristo. ONG “La Casa del Encuentro” a bisa cu cada 30 ora tabata produci un asesinato na aña 2016 na Argentina, y den aña 2017 e tempo a keda reduci na 18 ora. E analisis aki tabata posibel atraves di un investigacion di 121 medio di comunicacion cu ta traha den region Andino.

You May Also Like

Motin nobo na Goias (Brasil) suprimi pa autoridadnan

Autoridadnan Brasileño a logra controla un motin cu a tuma luga ayera mainta na ...

Guatamala: seis ruman a muri hunto y brasa

E erupcion di Volcan de Fuego a presenta un tragedia en general, cu 69 ...

Ecuador: Centenares a protesta contra aumento di prijs di combustibel

Centenares di persona a protesta diahuebs pasa na Quito contra e aumento di e ...

Colombia: 326 militar Venezolano a deserta y a crusa frontera

Te dialuna nochi pasa, Migracion Colombia a registra 326 militar di forsnan arma Venezolano ...

Panama ta enfrenta pio secura di su historia

E entidad ta bisa cu ta tumando, dentro di su posibilidad, e medidanan necesario ...

Sosten masal pa peticion pa drecha caminda malo

KRALENDIJK (Ret Karibense) – Weekend pasa nan a cuminsa cu un peticion pa drecha ...