Riba prome dia di Pasco, autoridadnan Mexicano a descubri seis cabez humano, presuntamente producto di un advertencia di bandanan di narcotrafico na nan contrincantenan. Te awor no por a identifica e victimanan. E hayazgo a ser haci na municipio di Jiquilpan, den estado Mexicano Michoacán, segun confirmacion di Secretaria di Seguridad Publico (SSP) di e estado.
Ehayazgo a ser haci na e municipio cu tin e number turistico di “Pueblo Magico” y ta cerca di frontera cu estado Jalisco.
Fiscalia estatal no conoce e identidad di e victimanan pero en todo caso a confirma cu tur ta masculino. Den otro comunicado, SSP di Michoacán a indica cu a pone en marcha un operativo despues di e hayazgo cu ta consisti di punto di revision y patruyahe den e lugar di e hechonan. E titular di SSP Michoacán, Juan Bernardo Corona, a bisa na medionan cu por ta trata di un enfrentamento entre cartel cu ta bringa pa controlar e zona aki, apuntando cu e region fronterizo ta disputa pa e Cartel Jalisco Nueva Generación y pa Los Viagras.
