Despues cu toque de queda a cuminsa dos luna pasa, specificamente dia 21 di maart, awe mainta miembronan di prensa local a haya e noticia cu ayera anochi no tabatin ningun detencion.
Liliana Rasjmin vocero di Cuerpo Policial a expresa pa Bon Dia Aruba cu durante e 52 dia di toque de queda, cu tabata ayera dialuna, tabatin e cifra di 646 persona cu a keda deteni pa no cumpli cu e reglanan di keda na cas cu toque de queda.
Asina mes, el a señala cu esaki ta un hopi bon noticia ya cu comunidad mester compronde cu na e momentonan aki di crisis di coronavirus e ciudadanonan mester tin un tiki di pasenshi pa motibo cu ta un situacion cu nos tur mester custuma cune y mester cumpli cu e ley, tanten cu tin toque de queda y shelter in place pues cumpli y respeta e reglanan mientras esaki ta na vigor.
