SMAC a comparti riba su pagina di facebook cu e pueblo di Aruba e destacadonan di Aruba su parada di mucha pa e aña aki. Aki nos lo comparti cu boso algun di e resultadonan publica, pa duna nos muchanan e spotlight bon mereci pa nan gran trabao y contribucion na nos dushi carnaval.
Pa loke ta trata Roadpiece Luhoso, na prome luga a keda Kung Fu Kids di e grupo Champagne Kids y di e mesun grupo a logra tuma e di dos luga cu e tema Super Mario. Na tercer luga cu hopi orguyo a keda TOB Kids cu e tema Seize Your Moment. Sinembargo, den e mesun categoria di roadpiece, e Roadpiece Campeon tabata Roll With It di Empire kids na prome luga, Adventure in Amazonia di Don Flip na di dos luga y Seize Your Moment di TOB Kids na tercer luga.
Den e categoria di Carosa Luhoso, na prome luga a keda Mama Coco di TOB Kids, sigui pa Universal di Champagne Kids y Nos Storia Di Carnaval di Centro di Bario Noord na tercer luga. Pa Carosa Campeon, a keda Mama Coco di TOB Kids na prome luga, Empire Kids di Empire na segundo luga y Coco di TOB Kids na tercer luga. Ora ta trata di Massa Campeon, e ganador a resulta di ta Champagne Kids y pa Massa Ambiente e ganador tabata Don Flip Carnival Group.
Dancing Queen di e Parada Di Mucha pa nos Carnaval 70 tabata Nima Whitfield di Little Groovers y e Dancing King tabata Darson Naar di TOB Kids.
E premio pa Grupo di Mucha di Aña a bay pa Champagne Kids Carnival Group.
Un pabien na tur e ganadornan y un danki pa tur nan esfuerso haci pa un dushi y bunita Carnaval 70.
