Detencion mas jong 15 aña
Den un reportahe di polis a compara e cifranan di detencion durante parada di mucha aña pasa cu aña aki. Mas cu dobbel e detencionnan a cay: 8 detencion den 2017 mientras den 2018 20 detencion a cay. Tabata remarcabel cu algun di nan tabata menor di edad tambe, polis a indica.
Despues di e parada pa 6.50 e ultimo grupo a drenta na Joe Laveist. Cuerpo Policial ta subraya un bes mas cu tabatin un cantidad di detencionnan menor di edad. Di e 20 detencion 5 tabata menor di edad y edad mas jong tabata 15 aña y esun mas bieu 53 aña, segun polis.
Loke a resalta den e detencionan ta posecion di droga, no sigui ordo di polis y bringamento. Fuera di e parada polis a haci 6 detencion riba caya pa coremento bou influencia, cual 3 di nan a conduci na perdemento di rijbewijs. Despues di a supla pa alcohol te hasta tabatin personanan cu a pasa casi dobbel e limite di 570 ug/l, cu 1030 ug/l supla. Ademas a controla casi 80 auto random y segun polis casi tur hende tabata bou e limite of net na e limite.
