Recientemente Sun Splash Events a tene un conferencia di prensa na Corsou den cual e organisacion a confirma nan line-up pa e festival cu lo ta riba dos dia; diabierna y diasabra, dia 2 y 3 di juni proximo.

Despues di un fantastico concierto di Burna Boy na october di aña pasa e organisacion Sun Splash mesora a cuminsa traha mesora riba e siguiente proyecto. E biaha aki un festival cu 12 artista reparti den 2 dia di ambiente, dushi cuminda, goso y un variacion amplio di musica. Bishitantenan di e festival lo haya un experiencia total cu diferente area; entre nan un ‘foodcourt’, un area exclusivamente pa presentacion di DJ internacional y naturalmente e area mas grandi, pa e conciertonan. Sun Splash Events NL a enfatisa durante di e conferencia di prensa cu ta trata di un festival y ta nan deseo pa publico experiencia esaki como tal. Ta p’esey mes, lo pone hopi atencion na e ‘foodcourt’ di manera cu tur hende por disfruta di e cushina Afrocaribense.

E prome Caribbean Sun Splash Festival

Sun Splash Events NL ya bon conoci, ta un organisacion cu ta produci diferente festival Afro na Hulanda y ta forma ekipo cu un team local pa e biaha aki presenta su prome festival na Corsou. Por confirma cu riba diabierna dia 2 di juni lo presenta; Icons, Amanye, Irsais y e semper popular Ashanti y JaRule. Mientras cu riba diasabra dia 3 di juni lo tin presentacion di Buleria, Lymie Murray, La Rouge, Mr. Vegas, Musa Keys, Gentleman y e fenomenal artista di afro-beat Rema. Tambe riba djasabra lo tin un area dedica na DJ cu lo ta biniendo Corsou for di diferente region e.o. King Kambe (SXM), Dj Nova (JAM), Robin Roxette (NL), JP (NL), DjJah (NL), Dj MBA (NL), Krokkz (CUR), y MC ChrisStrick!

Sun Splash Events NL ta premira cu lo tin hopi bishitante for di exterior considerando e entusiasmo grandi for di Aruba, St. Maarten, Surinam y te hasta Hulanda. Esaki mes ta haci cu por confirma cu Jet Air a habri vuelonan extra pa acomoda fanaticonan di e 12 artistanan cu lo ta biniendo Corsou pa dianan 2 y 3 di juni proximo. Pa vuelonan extra por bishita bo agente di biahe preferi y pa mas informacion/ carchi por bishita https://tibbaa.com/SunSplash.

Imagennan di Prensa https://we.tl/t-zJfDV7PW7J