Directiva di Centro di Bario ta anuncia su promer actividad pa aña 2026. Ta trata aki di un paseo riba bicicleta cu lo tuma lugar diadomingo 25 di januari, dia cu nos ta celebra Dia di Betico.
E actividad aki ta den cuadra tambe di e actividad anual di “Tin Union Familiar” (TUF). E actividad aki ta enfoca y stimula e importancia di tin un union den famia. Den pasado TUF a ser organisa cu exito na unda famianan ta uni y participa na e actividad aki. E aña aki atrobe a dicidi pa organisa un biaha mas un paseo riba bicicleta, na unda famianan por uni ya cu mayornan por participa hunto cu nan yiu(nan) riba bicicleta.
Tambe bisiña, colega, clubnan deportivo, scol y barionan por forma nan grupo. Manera ya menciona e actividad aki ta tuma lugar Dia di Betico. Mainta 9 or ta sali rumbo pa Arashi pasando via Bubali y San Minguel. Lo regresa Centro via e caminda grandi di Noord. Lo tin musica pa compaña e grupo.
Inscripcion ta tuma lugar na Centro di Bario Playa Pabao di dialuna pa diabierna di 8 or pa 12 or y di 1 or pa 5 or y tambe lo tin oportunidad pa inscribi dia di e actividad promer cu 8.30am. E promer 150 persona cu inscribi lo ricibi un t-shirt. Nos grandinan y chikitinnan tambe por participa ya cu tin un bus disponibel. Inscribi na tempo pasobra cuponan ta limita.
