E luna aki, soldadnan di Aruba y Corsou ta cuminsando e Training Vocacional Avansa (VVO): un programa intensivo di 24 siman cu ta prepara nan pa nan siguiente stap dentro di e Forsanan Arma – bira lider.
Pero prome cu nan yega asina leu, prome nan mester proba nan mes. Durante e dianan pisa di seleccion, e soldadnan a completa, entre otro cos, un test di fitness, un test di landamento, y un test di mapa y compas, segun Defensa di Region Caribe a comparti den un post riba rednan social. Solamente esnan cu ta para fuerte ta permiti pa continua.
Den VVO, ta bay bolbe pusha nan limite un biaha mas. No solamente fisicamente, pero tambe mentalmente, cu un enfoke riba liderazgo, planificacion y prestacion bao presion.
