(DutchNews.nl) – Segun e rapport mas recien di Global Gender Gap publica pa World Economic Forum, Hulanda a baha for di posicion number 28 na number 43 den e clasificacion. Na 2008, e tabata number 9.
E rapport tabata un “shock pa hopi,” segun Sophie Witteveen, presidente di Conseho di Muhe di Hulanda (NVR), e organisacion umbrella pa gruponan di hende muhe.
E posicion abao, el a bisa, ta principalmente pa motibo di apenas dos di e metriconan di e indice – representacion economico y politico. “Nos puntuacion ta relativamente pober den esaki, y e gap cu mester cera pa igualdad ta grandi.”
E Global Gender Gap Index ta compara paisnan basa riba participacion economico, educacion, salud y empoderamento politico di hende muhe. Hulanda ya no tin un gap di genero den educacion y e cobertura di salud ta 90 porciento. Pero diferencia di genero ta persisti den empleo.
Datonan publica recientemente pa Eurostat, e oficina di estadistica di Union Europeo, ta mustra cu na 2024, e tasa di empleo pa muhe na Hulanda tabata casi 80 porciento y pa homber 87 porciento, resultando den un gap di genero den empleo di siete punto porcentual, compara cu e averahe di EU di 10. Na 2014, e diferencia tabata 11 porciento.
A pesar di e progreso aki, sinembargo, Hulanda ta un di e paisnan Europeo cu e tasa mas halto di muhe cu ta traha part-time. Pa loke ta nivel di carera, na 2024 e cantidad di muhe den posicion di management na Hulanda tabata alrededor di 30%, tiki bao di e averahe di EU di 35%. Esaki ta compara cu 44% na Suecia, e pais Europeo top den e area aki.
“E nivel halto di educacion ta nifica cu mas muhe cu homber ta busca educacion avansa, tanto globalmente como na Hulanda, pero esaki no a traduci ainda den participacion economico y rolnan di liderazgo pa muhe,” Witteveen a bisa. “Tin barera cu ta preveni muhe di asumi posicionnan senior di liderazgo den varios sector, particularmente profesionnan STEM.”
E gap di salario ta otro problema, specialmente den rolnan senior. Hues femenino, por ehemplo, actualmente ta demandando pasobra nan no ta haya e mesun pago cu nan coleganan masculino.
E think-tank sociocultural di gobierno, SCP tambe a haya cu 22% di muhe adulto ta gana demasiado poco pa ta financieramente independiente, y cuatro di cada 10 no tin un trabao paga, hopi biaha pasobra nan ta dunadornan di cuido na cas.
Otro area critico pa Hulanda ta e gap di pensioen. Na EU, pensioen di muhe na 2024 tabata den averahe 25% menos cu di homber. Pero na Hulanda, e gap aki ta mas di 36%, e di dos mas grandi tras di Malta.
“Hulanda ta unico den e hecho cu hopi muhe ta traha part-time y ta contrinui menos na nan sistema di pensioen. E porcentahe di muhe trahador ta como 75%, pero solamente muhenan altamente educa ta traha full-time (45%) of al menos cuatro dia pa siman,” Witteveen ta bisa.
