E luna aki, dia 8 di maart ta celebra Dia Internacional di Hende Muhe. Pa e aña aki, Nacionnan Uni, a pone como tema pa e celebracion aki “Pa un mundo digital inclusivo: Innovacion y Tecnologia pa igualdad di genero.”, poniendo asina enfoke ariba e accesibilidad di hende muhenan rond mundo na tecnologia.

Nacionnan Uni tin como meta e aña aki ta pa rindi homenahe na e activista- y organisacionnan cu ta lucha pa tecnologia y educacion cu ta transforma pa hende- y muchanan muhe, cu lo explora e efectonan di e buraco digital di genero den e crecemento di desigualdadnan social y economico. Lo pone enfasis na e importancia di proteha e derechonan di e hende muhe den e espacionan digital y lo aborda violencia di genero online.

Den actualidad bida di ser humano ta depende fuertemente riba integracion digital: for di cursonan online, reunionnan virtual, conecta cu sernan keri, pa haci afspraak of hasta pa consultanan medico nos ta usa teconologia. Sinembargo, 37% di hende muhe no tin acceso na tecnologia.

Golablemnte 63% di hende muhe na mundo tin acceso na internet, compara cu e 69% di hened homber. E buraco, e desigualdad aki, ta bora cada aña menos, pero na paisnan cu ta den desaroyo ainda e diferencia aki ta significativo.

Nacionnan Uni ta remarca cu si e muhenan aki no por tin acceso na internet y no ta existi un sistema cu ademas ta laga nan sinti sigur navegando den e mundo digital, nunca nan lo por desaroya e habilidadnan digital necesario pa nan bida diario, locual ta genera un perdida di oportunidadnan den nan bida, y mas concretamente na momento di studia careranan relaciona cu ciencia y tecnologia.

Nan ta permira cu pa 2050, 75% di e trabounan na mundo lo ta relaciona na e areanan di STEM (Science, Technology, Engineering, Mathematics). Pero den actualidad hende muhe ta ocupa solamente un 22% di puestonan cu tin haber cu areanan aki y nan acceso na mundo digital ta ainda menos, speicalmente na paisnan cu no ta desaroya of ta den desaroyo ainda.

“Incorpora e hende muhe y mucha muhe den tecnologia y educacion digital lo permiti solucionnan mas creativo y tin un potencial mas grandi pa innovacionnan cu lo satisface e necesidadnan di e muhenan, cu lo promove e igualdad di genero y cu lo fomenta activismo. Nan falta di inclusion tin u costo grandi,” Nacionnan Uni ta destaca.

En conexion cu e celebracion aki, HIAS Aruba hunto cu ACNUR lo ta organisando tayernan durante luna di maart specialmente pa empodera e muhenan den e tereno di tecnologia, beyesa, artesania y cuido propio.

Dia 7 y 8 di maart ta bay tin tayernan pa yuda e hende muhe usa rednan social y traha cu diferente herment online cu lo beneficianan den futuro. Dia 14 di maart ta bay tin tayer di artenisania di palo na unda lo siña con pa traha artensania di palo. Y dia 15 di maart ta bay tin un tayer cu lo enfoca ariba e uso di productonan ecologico pa cuido propio. Durante e tayer aki nan lo siña con pa torah nan mesun productonan ecologico cu ingredientenan organico.