Dia mundial di curason tambe ta conta pa Aruba

Un tercera parti di e cifranan di morto registra anualmente na Aruba ta pa causa di enfermedadnan di curason y ader. E bon noticia ta cu haciendo cambio na nos estilo di bida nos por baha e riesgo pa por haya e malesa(nan) aki.

Asina Fundacion di Curason y IBISA ta informa. Nan kier para keto y duna importancia na e dia mundial di curason awe 29 di september. Mundialmente malesanan cardiovascular ta causa morto number 1. Y Aruba no pues ta un excepcion.

E atencion di e dia mundial di curason e aña aki ta concentra riba comparti e informacion di con pa hiba un bida mas saludabel na beneficio di nos curason, segun IBISA. E tema e aña aki ta: comparti e poder. E tema aki tin como meta pa curasha nos tur pa siña con pa reduci e riesgonan pa haya enfermedad cardiovascular y comparti esaki cu bo famia, conocinan y Aruba henter.

Factornan na Aruba ta entre otro heredero pero tambe e estilo di bida: nos ta come mucho cuminda, tambe cu no ta saludabel y no ta move suficiente.

Fundacion di Curason ta avisa e ora den nan relato: “Bo curason ta e motor di bo curpa. E ta laga bo hari, stima y biba un bida completo. No pa spanta ningun hende, pero problema nan di curason y ader ta e morto number un mundialmente y Aruba no ta keda afo.”

P’esey e fundacion ta haya importante pa cuid’e y dun’e su importancia. “E ta bon cu problemanan di curason y ader por wordo preveni. Haciendo solamente algun cambio pa dia, nos por logra esaki. Pa medio di stop di huma, sigur e curason lo por haya un sosiego. Si come mas saludabel y consumi menos fast food, lo tin menos cantidad di colesterol cual por tapa e arterianan.”

Ora duna nos muchanan mas fruta y berdura pa come, lo nan ta mas cerca pa yega na un comienso saludabel pa nan bida. Ultimamente mester corda riba haci ehercicio. Subi trapi, join clubnan di movecion, cana como famia y check bo presion regularmente tur por aporta na un estilo di bida mas activo.”

Laga nos tur como adulto duna ehempel na nos muchanan’, e relato di e fundacion a elabora. Obesidad na jong lo trece hopi problema ora nan bira adulto. “P’esey nos di Fundacion di Curason a cuminsa bishita scolnan pa trece tur e informacion necesario na un manera comprendibel. Asina nos por yuda baha e cantidad di problema nan di curason mas tempran posibel.”

You May Also Like

Gobierno nobo a hereda casi 70 miyon adicional di debe

Tin buraconan pa tapa awo den Aruba Tourism Authority (ATA) y AZV unda cu ...

‘Den un gobierno nobo nos ta desea un minister hopi dedica na problemanan social’

Fundacion pa Hende Muhe den Dificultad (FHMD) ta desea di mira un minister hopi ...

Pa 2017 APA ta spera mas di 700 mil turista crucero

Aruba Ports Authority (APA) ta informa cu nan ta contento cu e resultadonan di ...

Menos localidad cera durante accion di higiena

Servicio di control di Producto y Higiena ta informa cu durante un accion recien ...

UNESCO (3).JPG

UNESCO Aruba a entrega 105 mil na subsidio

Den cuadro di UNESCO su Programa di Participacion 2016-2017, diferente instancia local a entrega ...