Director di Banco di Seguro Social (SVb), Edwin Jacobs a referi na e derecho cu e trahado tin riba henter e proceso di otorgamento di subsidio di salario, administra pa e instancia aki. Diahuebs awor ta e siguiente biaha cu SVB ta bay paga subsidio di salario.

Jacobs a declara cu conforme e decreto ministerial di dia 13 di mei di minister di Finanzas, den articulo 6H ta poni cu e dunado di trabao tin e obligacion di duna informacion riba subsidio di salario. Esaki den caso si un trahado ta haci e peticion cerca dje, pa e mira cuanto e dunado di trabao a ricibi na suma di subsidio di salario p’e.

E informacion aki, e dunado di trabao ta hay’e riba e lista. Pero e informacion suministra mester ta solamente di e trahado. Pues informacion di otro trahado, e dunado di trabao tin cu mantene su mes na e ley di informacion personal cu ta proteha informacion individual.

El a bin cu algun recomendacion pa esnan cu ainda no a haya decision of no a ricibi e suma di subsidio di salario ariba nan cuenta di banco. Primeramente e ta recomenda pa subi nan plataforma: MiSVb. Eynan doño di trabao mester verifica su e-mail adres, ya cu SVb no ta comunica cu doño di trabao si no ta mediante nan e-mail adres. Esaki na e unico canal di informacion y no via telefon pa cumpli cu e ley di proteccion di informacion di persona. Si e e-mail no ta corecto, SVb su recomendacion ta pa e dunado di trabao informa nan mediante e e-mail adres: info@svbaruba.org

Tambe verifica bo cuenta di banco pa check cu e nomber cu e cuenta ta, ta cuadra cu e nomber di e compania. Si e nomber no ta cuadra, banco no ta permiti pa SVb transferi e suma. Den caso cu e cuenta di banco no ta corecto, e dunado di trabao mester manda un e-mail na siguiente direccion: finadmin@svbaruba.org El a laga sa cu e proceso aki por tarda un dia.

LEAVE A REPLY

Please enter your comment!
Please enter your name here