Dianan di vakantie lo cambia pa aña escolar 2019 -2020

ORANJESTAD – E calendario escolar pa aña 2019-2020 a ser cambia pa enseñansa, e cambio di e dianan lo aplica den dianan di carnaval cu e muchanan lo haya cuater dia mas di vakantie cu nan a kita for di e dianan di vakantie di e luna di juli.

Bon Dia Aruba a combersa cu varios juffrouw di scol y nan a duna nan opinion:
Sra. Rodriguez a expresa: “Mi no tin problema cu esey, e ta keda 60 dia pa aña, ta keda mesun cos. Nan no a kita ningun dia for di 60 dia, nan djis a haci un adaptacion, pero ora un persona no por deal cu e cambio, semper nan ta cuminsa sapatia, nan ta custumbra cu hopi tempo cu algo y e ora ta dificil pa nan Sali for di nan zona di comfort.”

Sra. Tromp a bisa: “E persona tin su opinion, pero mester respeta e ley. E ley ta bisa cu e minister di enseñansa tin tur derecho di cambia e dianan di vakantie manera con e ta haya bon. Di dos ta, den temporada di carnaval e muchanan hopi biaha ta bay scol, pero di otro scol mi sa cu no ta asisti na scol, y esey ta trece un retraso pa motibo cu e juffrouw mester duna un les pa dos mucha, y despues e tin cu ripiti e les ora e resto di e muchanan ta asisti, dianan despues.”

“Esey ta pasa pa motibo cu e mayornan no ta tuma e responsabilidad pa e muchanan bay scol, pero den mi caso, cu ami ta traha cu muchanan cu problema cu conducta, hopi biaha e mayornan no ta ripara kico nan ta haci of no, esey ta un problema social hopi grandi”.

Sinembargo, riba rednan social, varios ciudadano a expresa preocupacion tocante e cambio aki.

Un meneer di scol di inicial HCSJ, a comenta riba Facebook su disgusto pa e hecho cu e maestronan di scol no a wordo consulta prome cu e cambio. “Niun hende a puntra nos si nos ta logra caba e examenstof of e programa di examen net prome cu examen. Awor caba nos ta caba net na tempo”, el a expresa.

Otro usuario di inicial MSJ, a expresa preocupacion pa e hecho cu a duna ATV dagen den High Season, unda mayornan cu ta traha den sector di Horeca lo haya nan mes confronta cu dificultad. “Mas dianan liber durante high season, ta causa cu crèchenan lo por cera, hobennan no lo ta na scol y si nan mayornan ta trahando, lo tin menos supervision y asina ta laga menos tempo pa nos por prepara alumno den examenklas pa cu nan examen”, el a bisa.

Finalmente, varios mayor a expresa tristesa, pasobra dianan di vakantie grandi, unda mayornan por biaha y comparti cu nan yiunan, a wordo corta cu cuater dia.

You May Also Like

IMG-20151029-WA0005.jpg

Candela grandi riba Renaissance Island

A drenta un melding awe mainta cu tin candela riba Renaissance Island (video), cu ...

DOW a drecha tuberia cu tabata conecta mangelnan y lama

Director di Departamento di Obra Publico (DOW) Marlon Croes durante un conferencia di prensa ...

6 detencion den caso contrabandistanan di fuel

Un ekipo consistiendo di diferente instancia di cual entre otro Cuerpo Policial di Aruba, ...

heads of agreement

Entre awo cu maart gobierno lo haya sa si lo tin reapertura di refinería

Algun di e puntonan cu a wordo trata den e “Heads of Agreement” ta ...

SABA protesta

Trahadonan di SABA riba protesta

Trahadonan di SABA a para trabou na San Pedro na Playa, Maris Stella na Savaneta y e Centro ...

A5 detayenan yellow.jpeg

Un bida tuma pa boter di Night Train

Un pelea pa motibo cu no por a drenta e club Olde Molen cu ...