Riba Plaza Juan Pablo Duarte a tuma luga un conferencia di prensa unda cu coordinado general di ekipo Azul PRM Aruba ta invita e colonia Dominicana na Aruba y henter e pueblo di Aruba cu diamars awo dia 26 di januari 2021 pa 9or di mainta lo haci oficialmente un ofrenda floral cu ta conmemora e fecha natal di Juan Pablo Duarte.
Di e manera aki ta recorda su fecha di nacemento y lo recorda y duna honor na su persona, paso e merece. Sinembargo na e mes un momento aki riba e mes un fecha aki na su plaza lo parti bandera chikito Dominicana pa tur esunnan cu ta sintinan mes dominicano pa na por pasa na Plaza Juan Pablo Duarte despues di 9or di mainta pa asina tur esunnan cu haya un bandera pa pone esaki na nan auto y cana cu honor cu su bandera di su Pais.
E luna di Januari ta e luna di Juan Pablo Duarte pa tur Dominicano rond mundo. dia 26 di januari ta recorda su fecha natal , pero e siguiente luna cu ta februari ta e luna di Patria,cu ta celebra e independencia di republica Dominicana rond mundo.
Pa Ekipo Azul PRM Aruba e dos fechanan aki ta hopi importante pa tur Dominicano. E fecha di independencia por bisa cu awe Dominicanonan rond mundo ta liber y ta kere cu tur esunnan cu ta sintinan Dominicano mester vocifera esaki y mustra esaki pa asina e generacionnan keda cu e cultura aki y reconoce kico tur Juan Pablo Duarte a haci pa Republica Dominicana.
Ekipo Azul PRM Aruba un dia prome lo haci e plaza limpi pa asina e siguiente dia por conmemora e fecha natal di Juan Palblo Duarte. Di e manera aki ta recorda e politico cu a haci diferencia y pone libertad na su Pais. Sinembargo mester bisa cu e actividad di Ekipo Azul PRM Aruba no tin nada di haci cu consulado Dominicano na Aruba.
