Diasabra awor en conexion cu celebracion di 55 aña di Centro di Bario Noord lo tin un tremendo actividad di Seso Sport

Ainda tin lugar, forma bo grupo y registra!

E aña aki, Centro di Bario Noord (CBN) ta celebrando 55 aña di existencia! Pa marca e logro grandi aki, nos ta organisando varios evento durante henter e aña cu e meta principal pa fortalece e lasonan den nos comunidad.

Orguyosamente nos ta presenta nos prome evento cu ta tuma lugar riba diasabra 12 di juli 2025, un anochi di SESO Sport. E evento aki ta pa stimula colaboracion, creatividad y diberticion entre diferente gruponan di nos comunidad, incluyendo gruponan di bario, scol, trabou, amigo y famia. Cada grupo ta consisti di 5 persona. Nos lo otorga premionan atractivo den varios categoria, manera e grupo ganador, e grupo miho bisti y e grupo miho anima. Tambe nos ta bay tin diferente door prizes pa e participantenan.

E evento ta bay tuma lugar na Centro di Bario Noord den curason di Noord. Registracion ta cuminsa 7’or PM y nos ta cuminsa 7.30 PM.

Ainda nos tin lugar pa participacion, forma bo grupo y registra. Yuda CBN haci su aña di celebracion uno grandi y special. Por registra bo grupo pa medio di e siguiente link: https://forms.gle/PRQUoQtFv5xc6VURA y si bo tin cualkier pregunta tuma contacto cu nos na CBN 586-4658. Cupo ta limita, asina ta registra bo grupo mas pronto posibel! Deadline pa registra ta diabierna 11 di juli 2025.

CBN ta sigui stimula desaroyo spiritual, social, cultural y deportivo di nos dushi districto di Noord. Un trabou cu nos tin 55 aña ta eherce y ta hopi contento cu e desaroyo di nos Centro y cu tur e trabounan di nos boluntarionan. Bin celebra y gosa hunto cu nos, tur hende ta bon bini pa join e celebracion di CBN!