Diplo ta ser demanda pa forsamento di actonan sexual

(TMZ) – Un hende muhe ta demandando Diplo cu alegacionnan dictando cu el a forsa su persona haci actonan sexual oral y a graba esaki, pero e abogadonan di e DJ ta declara cu e ta invento di e muhe y cu e acusacionnan aki ta casimente identico na esunnan haci pa un amistad di su persona.

Segun documentonan obteni pa TMZ, e supuesto victima a alega cu el a ser invita na un fiesta di Diplo despues di un concierto na Las Vegas na Wynn den aña 2019, cual e ta bisa el a atende cu algun amistadnan despues cu ya e tabata intoxica cu bebidanan alcoholico.

Na momento di si yegada, e victima ta conta cu Diplo a duna e y tur otro personanan mas marihuana y alcohol, cual nan tur a acepta. E ta alega cu despues di esaki Diplo a invita su persona na su camber personal, y e ekipo di segurida di Diplo a cuminsa saca tur otro hende ago, incluyendo un amistad masculino di e victima ken aparentemente a ser golpia den su cara pa un di e guardianan na momento cu el a nenga di bay sin e amiga.

E muhe ta conta cu Diplo a bisa su persona cu e no por a bay te ora cu e haci actonan sexual na Diplo, y despues di a realisa cu e no tabatin otro opcion a dicidi di haci esaki, participando den sexo oral cu Diplo. E muhe tin e creencia cu Diplo a filma e sucedido y sin su consentimiento. Cual aunke Diplo lo a pidi esaki, e no tabata den posicion apto pa por duna esaki.

E victima ta declara cu el a sinti miedo pa su siguridad durante henter e incidente, y ta demandando Diplo pa dañonan haci na su persona.

Sinembargo, Diplo su abogado, Bryan Freedman, ta revela cu tin un conexcion entre e muhe aki y Shelly Auguste, ken a demanda e DJ den juni pa atake sexual y tambe a alega cu e incidente a ser filma sin su consentimento.

Freedman ta comenta, “e demanda aki ta sumamente increibel, y basa riba mentira, sinembargo e no ta algo cu nos no a premira, mirando cu e ta simplemente ripiti e mesun acusacion cu e demandante su amistad Shelly Auguste a haci, un individuo cu tin ya bastante tempo ta acosta Mr. Pentz y su famia pa mas di un aña, y te hasta a viola e orden di alehamento poni den su contra den varios ocasion.”

E ta continua “nos tin evidencia concreto cu ta comproba cu esaki ta alegacionnan sin base y nos lo provee esaki na corte lo mas pronto posibel, pa asina nos por pone un fin na e intentonan di Auguste y su complicenan.”