(NLTimes)—Lider di partido PVV, Geert Wilders, a reconoce cu tin presion riba e discusionnan di formacion di gabinete. Su partido a pasa shete siman purbando di forma un gabinete cu NSC y BBB, cu posiblemente cu e apoyo di VVD. A puntra Wilders tocante un cantidad di tweets cu el a publica riba e plataforma X siman pasa, incluyendo un den cual el a referi na e lider di VVD, Dilan Yeşilgöz, como “zuur”, y un otro den cual el a sugeri na e prospecto di eleccionnan nobo.
Wilders a zundra Yeşilgöz despues cu el a critica e lider di PVV durante un conferencia di Yeşilgöz su partido. Na e conferencia di VVD, Yeşilgöz a haci chansa den su discurso, bisando cu “si bo ta manda mensahenan rabia riba mundo, bo por hasta gana eleccionnan cune.” E tabata referiendo na Wilders, di ken su partido a bira e partido mas grandi den Tweede Kamer despues di e eleccionnan na november.
Mientras cu e tabata purba di calma e dessatisfaccion dentro di su mesun partido e weekend aki, Wilders a skirbi riba X cu e kier un gabinete derechista. “Mi ta spera nos logra, pa asina no mester di eleccionnan nobo,” segun e lider di PVV. E referencia na posibel eleccionnan nobo a causa algun pregunta, pasobra negociacionnan ainda ta andante.
“E combersacionnan ta dentro di un atmosfera positivo, pues mi no por splica esey,” Yeşilgöz a bisa como respuesta na preguntanan for di prensa. “Mi tabata un tiki sorprendi di esey tambe.” Na e conferencia di VVD, el a papia di un “bon chens pa un cooperacion fructifero.”
El a bisa cu no ta importante bon Wilders insult’e personalmente riba red social. E no a pensa riba dje mucho, el a bisa despues di un consulta cu Wilders, e otro lidernan di partido NSC y BBB y Ronald Plasterk, ken ta guiando e discusionnan di formacion.
Mientras tanto, lider di NSC, Pieter Omtzigt, tambe a referi na “combersacionnan anima” entre e partidonan. “Nan ta partidonan diferente,” el a bisa despues di e negociacionnan. “Bo sa, nos lo tira bista riba e rapport,” Omtzigt a bisa como contesta riba preguntanan di reporteronan tocante si e partidonan lo yega na un acuerdo. Ronald Plasterk a priminti pa reporta riba e negociacionnan na comienso di februari. Pero el a sugeri varios biaha cu e no por haci esaki den e prome siman di luna. E lider di NSC no a descarta cu e partidonan lo tene mas discusionnan otro siman.
Ta parce mi sabi pa forma e gabinete despues di eleccionnan. Y despues gobierno ta estableci. Y si esey no traha mas, semper bo por rectifica esey,” manera Omtzigt a bisa ora e ser presenta cu declaracionnan di Wilders.
Plasterk no kier a duna comentario riba e tweets di Wilders den cual el a insulta Yeşilgöz y a sugeri riba e posibilidad di eleccionnan nobo. Partidonan tin e necesidad pa sigui enfatisa nan diferencia mutual tin biaha. “Y mi no tin nada mas cu aprecio y respet pa esey. Pasobra naturalmente asina e mester ta.”
Specialmente den e tereno di finanzas, negociacionnan di coalicion por ta “pisa,” segun Plasterk a bisa dialuna. “Placa semper ta un topico importante pasobra e ta afecta tur cos cu bo kier.” Di e partidonan riba mesa, solamente VVD tin su manifesto anota. PVV, NSC y BBB no a haci esaki, cual ta haci e consecuencianan di nan plannan financiero insigur. VVD tambe ta insistiendo riba mas recorte, cual PVV, en particular, no ta faborece.
“En berdad no mester acorda riba esey,” Plasterk a bisa despues di un otro dia di negociacionnan. Esey no ta necesario durante etapa aki, el a subraya. “Pero mester tin un prospecto di acuerdo. Y esey ta naturalmente un pregunta grandi, specialmente den finanzas.”
Plasterk a bisa cu tin un progreso den e discusionnan, cual lo yega su fin pronto. El a bisa cu e ta kere ta un hecho di bida cu e discusionnan ta pisa tin biaha. “E lo ta mal señal si no tabatin discusionnan pisa.”
