Mediconan a adverti hende cu lo por ta bebiendo den exceso como un forma pa confronta e pandemia di COVID-19. Riba un articulo nobo di punto di bista, dos medico a adverti cu esaki a bira mas comun of ta haya e porcentahe mas halto awo na paisnan manera Merca of na Europa.

Por ta bo lo recuri na alcohol como un forma pa deal cu e factornan di stress inmenso door di e pandemia cu e coronovirus a trece. E articulo, publica den e revista di Medicina Interno General, ta propone un serie di intervencionnan pa intenta disminui e comportamento aki y sostene miho e personanan cu trastorno door di consumo di alcohol.

Strategia di enfrentamento

E ta bon documenta cu bebe alcohol ta un forma cu hendenan ta usa pa confronta situacionnan personal of stress. Por ehempel, e investigacion a mustra cu na Merca e personanan ta mustra di bebe mas alcohol despues di atakenan terorista.

Ademas, si un persona tin un trastorno door di consumo di alcohol, e ta mas probabel cu e lo usa alcohol pa confronta stress di un evento traumatico.

Den e contexto aki, e pandemia actual di COVID-19 ta un motibo special pa preocupacion. E autornan di e articulo actual ta señala cu, na luga di ta solamente un evento, e efectonan di e pandemia di covid-19 lo sigui prolonga cu tempo, loke potencialmente ta expone e personanan na un trauma continuo.

Ademas e pandemia a causa varios factor di stress potencial cu un persona por confronta door di bebe alcohol. Ademas di e efecto catastrofico riba salud di e personanan, e perdida y e dolor cu hopi ta experimenta, e pandemia tambe a afecta economia y bida social, cultural, reduciendo e trabao di e personanan, alterando su structuranan di sosten interpersonal, aumentando bareranan pa e atencion medico y forsando e personanan pa isola nan mes.

Prome cu e pandemia, e investigadonan ya a nota cu hende na Merca tabata mustra di bebe hopi. Esaki tabata particularmente e caso mas den hendenan muhe. Investigacionnan recientemente a sugeri cu e personanan a aumenta consumo di alcohol den e fase inicial di e pandemia. Esaki ta alinea cu descubrimentonan similar di estudionan den Reino Uni y Australia.

Efectonan di alcohol riba salud

Esaki ta algo importante pasobra ta existi vinculonan bon documenta entre e aumento di consumo di alcohol y e resultadonan adverso riba salud.

Manera Instituto Nacional tocante e Abuso di Alcohol y Alcoholismo ta señala, consumo di alcohol por cambia e estado di animo y e comportamento, ta daña e curason, higra y pancreas di un persona, ta aumenta e riesgo di varios tipo di cancer y tambe ta debilita e sistema inmunologico di un persona.

E investigacionnan tambe a relaciona consumo excesivo di alcohol cu trastornonan di salud mental, manera ansiedad y depresion, cu lo por bira pio durante e pandemia.

Como consecuencia, ta importante pa alerta e personanan pa busca of haya strategianan alternativo di enfrentamento como respuesta na e factornan estresante di e pandemia. Tambe mester tin apoyo eficaz pa e personanan cu ta experimenta efectonan di e aumento di consumo di alcohol of pa e personanan cu trastorno door di consumo di alcohol.

LEAVE A REPLY

Please enter your comment!
Please enter your name here