Dominica sufriendo di dañonan grandi cu pasada di horcan Maria

Segun prome minister di Dominica Roosevelt Skerrit, e isla ta sufriendo di dañonan hopi grandi cu pasada di horcan  Maria. El a caba di wordo rescata for di su cas, unda el a describi via di Twitter cu su dak a bula bay y tin inundacion. El a menciona tambe cu Dominica a perde tur cos cu placa por cumpra. E horcan a bira un tormenta potencialmente catastrofico di categoria cinco, prome cu el a subi tera na e isla di Dominica.


Varios hende caba a reporta cu nan dak di cas a bula bay cu inundacion grandi den cas. Dominica ta un ex colonia Britanico cu un populacion di 72, 000, menos cu 50km largo y 25km hancho. E horcan ainda ta afectando nan hopi pisa, e impacto di dje por wordo sinti tur caminda y segun e prome minister e no ta mustra nada bon pa e isla. Ningun persona a wordo confirma morto ainda pero segun minister Skerrit, esaki ta su miedo di mas grandi cu mañan mainta lo haya noticianan no mucho agradabel despues di e pasada di e horcan.

You May Also Like

Brasil: Cinco biyonario tin mes hopi cu mita mas pober di e pais

Cinco biyonario Brasileño tin entre nan  un rikesa cu ta ekivalente na e entrada ...

Miles di biyete Venezolano haya na Rio de Janeiro

Dialuna polis di Rio de Janeiro a haya cerca di 40 miyon di bolivar Venezolano ...

Uruguay: Hefe di Ehercito nobo a declara cu no sa si denuncia di crimen di dictadura ta real

E comandante hefe di Ehercito nobo di Uruguay, Claudio Feola, kende a asumi dialuna ...

Cuba: Lo bay reconoce propiedad priva pero ta mantene estado socialista

  (Infobae/LaOpinion) – Cuba lo bay reconoce e papel di mercado y propiedad priva ...

Mexico : E peligernan cu e bayenanan den lama Mexicano ta enfrenta

Di e 14 especie di bayenanan cu ta existi na mundo, ocho por wordo ...