(NLTimes) – Presidente di Merca, Donald Trump, a keda den Paleis Ten Bosch na Den Haag diamars anochi. Rey Willem-Alexander a ofrece un anochi na e palacio, Servicio di Informacion di Gobierno (RVD) a confirma. Cas Blanco a informa mas trempan cu Trump lo ta desayunando cu e Rey diaranson.
Trump lo yega Hulanda pa 7 or di anochi diamars pa e cumbre di NATO, cu lo tuma lugar diamars y diaranson na Den Haag. Djis despues di su yegada, pa 7:45 p.m., un reunion cu e pareha real ta planea, e schema oficial ta mustra. E presidente di Merca tin un oportunidad pa saca potret y desayuna cu e pareha real programa pa diaranson mainta.
Esaki ta nifica cu Trump lo no ta hospedando na Huis ter Duin na Noordwijk, cual tabata e plan inicial. Varios medida di seguridad a ser tuma den anticipacion di esaki, y banderanan di Merca ta colga dilanti di e hotel diamars. Un vocero di Huis ter Duin no tabata desea di contesta e noticia. “Nos lo no ta haciendo ningun declaracion riba cua invitadonan ta of no ta kedando cerca nos.”
Gemeente di Noordwijk tambe a nenga di duna comentario riba e desaroyo. “Pa motibo di seguridad, nos lo no haci ningun comentario pa loke ta trata delegadonan cu ta keda aki,” un vocero a bisa.
E medidanan di seguridad rond di e hotel lo keda vigente a pesar di e noticianan tocante e estadia di Trump na Den Haag, e vocero municipal a bisa. “Noordwijk ainda lo ta ricibiendo un delegacion di NATO.”
Parti di e delegacion Mericano probablemente ta kedando aki. Oficialnan ta staciona na e entradanan di e area cera na e lugar. Riba beach, por a mira jet ski di polis cu ta ser movi.
