Den e doorlichting rapport di educacion, e grupo di trabou encarga cu e investigacion den e sector di enseñansa ta indica con e recomendacionnan cu nan a sugeri por ser elabora y implementa di un bon manera. Tambe nan ta vincula esaki cu plan- y recomendacionnan anterior y actual. Recomendacion number 6 ta trata e conexion entre educacion y e mercado laboral di Aruba.
Pa loke ta e punto di consulta structural di e veld profesional y formacion profesional como parti di PEL, e grupo di trabao a splica cu durante e sesionnan di mesa rondo den luna di april di 2022, a keda cla cu ta existi e necesidad pa un consulta structural entre e veld profesional y educacion vocacional. EPI a indica cu e ta habri pa involucra EPB y su partidonan interesa, como tambe representantenan di e Ministerio di Labor, den e sesionnan cu EPI ya ta realisando.
Actualmente ya tumando luga e debatenan aki pa introduccion di e structura di puntuacion revisa. EPI ta planeando varios debate entre EPI y partinan interesa (empresa di stage). Den e discusionnan aki ta discuti e conexion di e curriculum nobo cu e mercado laboral, e interpretacion nobo di e curriculum y e implementacion di e sistema di puntuacion revisa. E discusionnan aki ta tuma luga pa sector.
Na momento cu amplia e gruponan di debate, ta produci inmediatamente un consulta structural entre e formacion profesional y e veld profesional.
Segun e grupo di trabao, e propuesta ta haci cu e discusionnan di e grupo di debate, pa sector, ta parti di PEL (Plataforma Educacion y Labor). PEL ta organisa e charlanan, e ta actua como e catalisado pa haya stage, e ta sigura cu e cursonan ta keda actualisa, y si ta necesario, e ta actua como mediador entre e formado y e cliente. E ta remarca cu ta importante pa e comunicacion y e cooperacion entre e formado y e cliente ta cla y habri, PEL por desempeña un papel importante den esaki.
E grupo di trabao a sigui indica cu e comunidad empresarial ta satisfecho cu e informacion ariba e cambionan iminente den e programanan di estudio y e introduccion di e sistema di puntuacion revisa. E normanan pa e structura di e puntuacion revisa aworaki a ser introduci pa 12 programa di estudio cu a cuminsa den e aña escolar 2022-2023.
Na momento di haci e conexion entre educacion y e mercado laboral un responsabilidad structural y comparti, por ehemplo mediante un plataforma cu ta uni ambos partido, tambe ta drenta den escena e solucionnan a largo plaso.
Por ehemplo, e grupo di trabao ta señala cu e comunidad empresarial ta wak oportunidadnan di cooperacion pa garantisa cu e cursonan di capacitacion ta permanece actualisa y cu e material cu ta wordo usa den e diferente sectornan ta disponibel. Esaki, por ehemplo, suministrando e ultimo software pa e formacion den TIC, of proporcionando cama- y hermentnan specialisa pa e formacion den cuido.
Na mesun momento ainda no ta cla si e programanan ta suficientemente ekipa pa implementa adecuadamente e revision di e structura di puntuacion den e practica.
Mehora e percepcion di e demanda di e mercado laboral
Tur cu ta forma parti di e mercado laboral y e formacion profesional den e mesa rondo a reconoce e falta di conocemento ariba e situacion actual y futuro di e mercado laboral. E grupo di trabao ta ratifica cu e falta di data actualisa ta haci dificil wak decision- y opcionnan bon. Esaki ta referi na cuestionnan manera ki curso mester ofrece den futuro den coordinacion cu proyectonan planifica; ki programa mester ser revisa y con nan mester prepara e studiantenan pa participa den e mercado laboral (etica laboral).
A keda estableci cu ta importante ricibi mas informacion ariba e mercado laboral. No solamente e number di funcionnan existente y e vacaturanan disponibel, pero tambe un perspectiva di cual funcionnan ta bay tin mester den futuro, un periodo di un pa cinco aña.
Particularmente, AHATA (Aruba Hotel and Tourism Association), a pidi pa recopila data ariba e necesidadnan di e mercado laboral y a ofrece pa financia esaki un biaha. E grupo di trabao ta indica cu aworaki a establece den PEL cu ta haci acuerdonan cu DAO pa ricibi data di nan cada aña pa por haci un combinacion entre e necesidadnan di e mercado laboral y educacion/cursonan cu ta ser rekeri. Esaki ta converti’e den un responsabilidad conhunto di e Ministerio di Enseñansa y Ministerio di Labor.
Elaboracion concreto di investigacion di mercado laboral
Mirando e necesidad di data di tur e partidonan interesa y e posibilidadnan di saca conclusionnan di nan, pa e grupo di trabao ta hopi importante pa realisa un encuesta den e mercado laboral. E recopilacion di data ta proporciona informacion ariba: empleonan existente; vacaturanan existente; y vacaturanan den futuro (den un pa cinco aña).
E analisis di e data aki, e grupo di trabao ta enfatisa, mester hiba na un miho imagen di e demanda actual den e mercado laboral, e vacaturanan real cu ta existi y mester duna un indicacion di e evolucion di e necesidadnan di e mercado laboral. Den un ultimo instancia, mester implementa un sistema den PEL cu ta proporciona un vision continuo di e necesidadnan cerca y pa futuro di e mercado laboral pa cada sector profesional y un vision di e rotacion natural di e personal, por ehemplo, debi na hubilacion anticipa.
E data mester identifica e falta y desahustenan entre educacion y e mercado laboral. A corto plaso, esaki ta rekeri pa educacion ofrece e posibilidad di adaptacion, perfeccionamento y actualisacion di alumno- y empleadonan. Riba mas largo plaso, esaki ta rekeri ahuste den e plan di estudio y curso di estudio na EPB y EPI.
E pasonan di e proceso:
- Ministerio di Labor ta formula un tarea y ta subcontrata Aruba Kier Traha;
- E tarea ta ser realisa pa prome biaha door di un tercera financia pa AHATA, despues e recopilacion di data ta pasa na bira responsabilidad di PEL. Si resulta imposibel pa e data ser recopila a traves di un tercera, DAO y DPL lo realisa e recopilacion aki cu e apoyo di CBS;
- E data ta ser procesa y presenta na e ministernan concerni y na tur e partidonan interesa involucra mediante e presentacion y transmision digital di e rapport;
- E resultadonan ta wordo usa manera suministro pa consulta y coordinacion entre educacion y e mercado laboral. Con esaki ta bay sucede mester wordo elabora mas.
Schedule
E grupo di trabao ta specifica cu e data ta wordo recopila durante un periodo di dos luna. Despues ta tarda un luna pa procesa e resultadonan. Despues e resultado ta wordo presenta na ambos ministerio y despues na e partidonan interesa. Cu e resultadonan y presentacionnan manera aporte, ta organisa debatenan entre e partidonan interesa bao e liderazgo di PEL.
E proposito di e discusionnan aki ta genera recomendacionnan ariba con educacion por anticipa miho e necesidadnan di e mercado laboral aworaki y den futuro. E recomendacionnan aki ta wordo procesa den un documento di trabao. PEL ta responsabel pa e implementacion di e recomendacionnan aki.
Responsabilidad
E grupo di trabao ta remarca cu e prome recopilacion di data ta responsabilidad di e Ministerio di Labor. Esaki ta un medida di emergencia pasobra ta rekeri data a corto plaso. Debi na e gran necesidad di informacion, AHATA a ofrece pa financia e prome recopilacion di data. Despues di e prome ronde di recopilacion di data, e lo pasa na bira structural y lo tuma luga anualmente.
E responsabilidad di e implementacion y calidad di recopilacion di data lo cay e ora den man di PEL. Esaki ta bay den efecto di biaha despues di e confirmacion di su existencia.
Siman di Maestro
Durante e discusionnan di mesa rondo a keda sugeri pa organisa un ‘Siman di Maestro’ anualmente. E siman di maestro, e grupo di trabao ta splica, tin como obhetivo vincula e maestronan di un sector determina cu e comunidad empresarial y organisa un stage di observacion di e trabao. Di e manera aki e docentenan ta keda miho informa di e ultimo novedadnan di nan profesion y sector.
Inspectie Onderwijs a indica durante e mesa rondo cu esaki ta un posibilidad y cu ta posibel discuti loke ta organisa pa e studiantenan den e siman ey specificamente.
Etica Laboral
Segun e grupo di trabao, e empresario ta indica loke mester haci urgentemente pa loke ta e actitud laboral y e actitud di e studiantenan. Nan experiencia ta cu e studiantenan no ta flexibel. Segun nan, nan ta desea pa fortalece e actitud di trabao independiente y responsabel di e studiante.
E punto aki tambe a ser presenta durante e sesionnan di debate. Tanto EPB como EPI a indica cu, debi na e introduccion di sistema di puntuacion revisa, ta bay presta mas atencion na e ciudadania y nan ta a spera cu debi na e introduccion di Ciudadania, ta pone mas atencion na e actitud y actitud laboral di e studiante.
