IBIZA – Den un siman, dos mucha muhe Ingles a wordo haya morto sin splicacion riba e isla Spaño di Ibiza.
Rebeca Brock di 18 aña a wordo haya dialuna den su camber di hotel sin señal di bida. Brock tabata di Nottingham y tin nacionalidad Ingles y tambe Hulandes. Segun su facebook e la studia na Tillburg y su mama ta biba na Hulanda. Su curpa no a duna ningun indicacion di violencia y tampoco ningun droga no a wordo haya den e camber.
Prome cu esey, Danielle McCallum di 18 aña, biba na Scotland a fayece den hospital di San Antonio na Ibiza. Su morto a wordo constata cu tabata pa motibo di extacy, pero miembro nan di su famia ta bisa cu e no ta uza droga.
