DOW: ‘Problema di pavers na Havenstraat tin nos atencion’

Havenstraat tin nos atencion, director di DOW Marlon Croes a declara na Bon Dia riba e situacion di pavers cu a zink den Havenstraat.

E caminda di pavers na Havenstraat cuminsando na tienda di Zara bayendo direccion parada di bus grandi ta den boca di pueblo pa algun tempo caba. Algun dia atras nos redaccion a bay saca algun potret di e caminda aki cu aparentemente ta keda bay atras cu pavers cu ta zink den otro.  E paversnan cu ta zink ta un fenomeno cu nos redaccion a tuma nota cu tambe tin den cierto area di Caya Betico Croes mes. Pero na Havenstraat e caminda ta keda bay atras te na un nivel cu el a bira hopi fastioso pa core riba dje. Esaki ta haci cu ora bo ta core riba e caminda aki ta mescos bo ta riba un cabay riba un caminda di tera, segun un automobilista a remarca na Bon Dia. Ora cu nos a bolbe bay tira un bista riba e caminda aki siman pasa, un comerciante di un di e tiendanan a saca cabes y grita nos redaccion: “Porfin, porfin!” Den otro palabra, e comerciante tabata contento di mira cu porfin tin atencion riba e caminda pa algo wordo haci cu ne. Nos redaccion por a tuma nota tambe e rato cu nos tabata eynan ta saca potret cu algun automobilista ta opta pa hasta tuma e otro caminda banda di dje (e caminda traha pa e tram core) pa asina evita di pasa riba e caminda aki.

DOW: ‘Mester wak kico ta e problema’
Director di DOW ta splica Bon Dia cu nan mester a haci basta trabao prome cu eleccion unda cu nan schema tabata practicamente full. Nan tabata tin programa pa haci trabao riba e caminda aki den luna di october. Nan a inventarisa e problema segun sr. Croes unda cu nan mester bay coba e area pa a base di esey determina kico ta e problema den e subsuelo. Pues pa wak si lo tin un lekmento di awa cu ta core y muha e fundeshi cu e ta bira menos stabiel. Mester wak si e ta un rioolering of tuberia di WEB cu por ta e problema pa asina por drecha esaki di biaha segun e director.

Ora caba di traha riba e fundeshi, DOW kier haci stabilisacion cu santo cual ta un mescla di santo cu cement y no lo wordo afecta pa awa y garantisa cu e calidad di e caretera ta bay mas largo.”Tin un discusion interno andando si nos tin cu kita e paversnan anto asfalta e caminda completo, of bay na mantene e plan manera cu e ta aworaki.” E pavers ta un parti di diseño cu intencion pa conecta e plasa panort di Renaissance Hotel cu e plasa Daniel Leo por medio di diseñonan pa tene nan hunto visualmente.

You May Also Like

food label 1.jpg

Compronde label di producto, scoge locual realmente ta saludabel

Pa bo haci e cambio di estilo di bida y cuminsa scoge productonan mas saludabel pa come, ...

image.jpeg

DPL: Tin lista amplio di hende riba tur nivel academico cu ta buscando trabao

Departamento di Progreso Laboral, ta activamente ocupa cu registracion di no solamente vacatura, pero tambe di personanan ...

Rapport Parkietenbos ta papia idioma cla y raspa

Comunicado di prensa di Rainbow Warriors International riba asunto di Parkietenbos: Na mei 2016 ...

Si ASTEC ta duna motibo, trahadonan di waf ta bay den accion

E sindicalista  Diego de Cuba a bisa enfaticamente cu aworaki cu STA  gana e ...

Si OM no ta start investigacion lo bin cu encuesta parlamentario

Despues cu nan a bini cu un serie di denuncia verbalmente prome y despues ...

oduber, herde

Fraccion di AVP sorpresa cu decision di minister Otmar Oduber

Fei St. Maarten caminda lider di fraccion di AVP, sr. Rene Herdé ta presidi ...