Mark Benson Denz hunto cu directora di Cosecha, Joanne Dirks a lansa un proyecto nobo, Downtown Tour.
E proyecto ta inicia 1 di november cual ta un proyecto pa turistanan y localnan. E ta un tour haci na pia, caminda cu ta pasa bishita diferente caminda historico den Oranjestad. Esaki ta un otro plataforma pa yuda promove y preserva Aruba su cultura y historia, asina sr. Benz y Dirks ta splica.
E tour ta cuminsa y termina bek na Cosecha cual ta un tienda di arte situa patras di Cocolishi na Playa. Y e tournan ta di dialuna te cu diasabra mainta. Bandi di bishita na museo y luga cultural/historico interesante bou guia di un experto local, e participantenan tambe por purba snack local manera pastechi.
Mas informacion por haya riba arubawalkingtours.com.
