Durante di e siman aki a tuma lugar un atraco riba e joyeria ‘Gemstones’ y aki a surgi algo peculiar. E doño di e lugar bou di shock di locual a sosode, a logra di pasa man pa su telefoon y yama e number di emergencia 911. Durante e yamada aki e doño di Gemstones a wordo informa cu e mester yama number 100 y no 911.
Bon Dia Aruba a tuma nota di un comocion riba Facebook cu a surgi rond di e susedido aki y a sali busca informacion. E pregunta cu mayoria hende tin, ta kico exactamente ta e funcion di 911 ja cu internacionalmente esaki ta wordo uza pa tur tipo di emergencia, hasta atraco. A purba tuma contacto cu vocero di Brandweer ja cu nan ta encarga cu e number di emergencia 911 pero no a haña un respuesta ainda. A aserca vocero di Polis na tur manera posibel pero lastimamente no a logra comunica cune ainda. Algun persona di cuerpo policial cu Bon Dia Aruba a papia cu nan tambe ta den duda di kico e funccion exacto ta di e number di emergencia 911.
Bon Dia Aruba lo sigi busca contacto tanto cu vocero di Brandweer y lo aserca Minister di Husticia pa haña e informacion necesario pa pueblo.
Kico ta e maneho exacto riba e number di emergencia 911? Ta ainda ta keda un ‘vraagteken’ grandi riba dje!
