Di dia 9 di mei te cu 9 di juni, e team di buceo di e di dos Batayon di Reconocemento di Segundo Division di Marina, Cuerpo di Marina di Merca (2nd Reconnaissance Battalion 2nd Marine Division, United States Marine Corps), ta na Aruba pa e ehercicio “Caribbean Coastal Warrior”.
Durante e training anual di buceo aki, e mariniernan Mericano ta traha hunto cu e Escuadron di Marina Carib (Marine Squadron Carib) cu ta staciona na Aruba.
E training ta forma parti di un programa di intercambio entre Marina Hulandes y Marina Mericano, durante cual ta train cu intercambio den tanto Region Caribe como na Merca.
Mas den comienso di e aña aki, na april 2025, a tuma lugar na Merca na Camp Lejeune, cu ta e base di Cuerpo di Marina Mericano (United States Marine Corps), e ehercicio di Caribbean Urban Warrior, durante cual mariniernan di Escuadron di Marina Carib Aruba, e Destacamento di Marina di Sint Maarten ademas di e gruponan di boto di Aruba y Corsou, a train hunto cu Mariniernan Mericano.
Training y ehercicio conhunto den ambos pais ta reforsa e colaboracion entre e cuerponan. E ta promove lasonan mutuo y ta ofrece oportunidadnan valioso pa siña di otro.
E training di buceo actual ta tuma lugar na Aruba y ta enfoca riba habilidad tactico di buceo cu un re-breather. E entrenamento ta conoci pa diferente ekipo di buceo di Cuerpo di Marina di Merca (United States Marine Corps).
