Bo grupo pa Mens Erger Je Niet Live ta cla? Diamars dia 24 di Maart ta e dia pa confirma bo grupo su participacion, di 6pm pa 9pm na Centro di Bario Brazil, pa e campeonato 2026.
Ariba e fecha aki tur grupo ta haya nan fecha y color cu nan mester bisti pa nan prome wega di Mens Erger Je Niet LIVE.
E campeonato ta cuminsa dia 24 di april den Centro di Bario Brazil.
Dia 24 di April pa 7:00pm ta apertura di e 18 aniversario di Mens Erger Je Niet. Y ta pa e motibo aki ta bay tin un ambiente alegre, Pues un tremendo JUMP UP (pafo) direccion pa entrada di C.B.B. Despues na e entrada den CBB cada grupo mester drenta mescos cu e desfile di tur aña, caminda nomber di cada grupo ta wordo menciona etc. Corda bin cu algo pa identifica bo grupo for di leu, p.e. bandera, banner, borchi etc.
Aña pasa despues di hopi susto, Entre Nos Family a bira e campeon mundial invicto, sigui pa e Sub Campeon WEB NV, 3er. Crazy Rescuerers, 4to. Sin Miedo.
