E modelo RAV4 2019 Hybrid a yega na Garage Cordia; Ta ofrece 8 aña di garantia riba e modelo aki!

ORANJESTAD – Pa Garage Cordia tabata un momento hopi special ora cu diabierna anochi a lansa “The New RAV4”. Cu hopi invitado presente a revela e ultimo modelonan di RAV4. Tabata precisamente 25 aña pasa cu a lansa e prome RAV4 durante e mesun temporada aki. Esaki ta e di 5 generacion di e modelo aki. Cada biaha Toyota ta cambia e diseño completamente y cada bes ta busca pa sigui mehora e modelonan.

Garage Cordia ta treciendo autonan RAV4 desde 1994, cu ta un auto bo ta sinti cu e ta manera un Sedan. A uni 2 sistema den 1, esta e formula di auto di coriente y esun convencional di gasolin, cu hunto a bira e hybrid. Awo den e di 5 generacion e auto ta uno hopi mas amplio, un auto cu ta duna hopi mas response y un tiki mas economia, asina Danilo Werleman, Gerente General di Garage Cordia Aruba a expresa.

Dia 27 di maart 2013 Garage Cordia a lansa e di 4 generacion di RAV4 y esaki tabata e front wheel drive, cu tabata mas pa famia, asina Alvin Thijsen, Gerente di Benta a expresa. Antes e RAV4 tabata considera como un auto di famia, pero e generacion a cambia tanto di pafo como tambe di paden. Un di e cambionan ta e camara pa ora di reverse, a inclui sensors y e interior ta mucho mas espacioso.

Pa cu e RAV4 aki, Garage Cordia lo duna 8 aña of 160 mil kilometer di garantia. Garage Cordia ta convenci cu e producto aki ta asina bon cu nan por garantisa e auto pa 8 aña largo, cu ta un termino hopi mas cu tur otro ta ofrece na Aruba!

“Nos ta hopi contento cu, despues di hopi anticipacion y peticion, cu awor porfin nos por presenta e auto aki”, asina Joylene de Nobrega, encarga cu mercado di Garage Cordia, a expresa. E auto Toyota SUV Hybrid ta esun mas faborito y esun mas bendi na Garage Cordia Aruba y tambe mundialmente bou di e marca Toyota.

Tur reaccion cu Garage Cordia a ricibi ta cu tur hende a keda contento, e auto ta super bunita. Asina cu hendenan a mira nan, a namora di biaha di e autonan aki.

Garage Cordia a organisa un dia di test drive diasabra ultimo. Ta invita publico pa pasa test drive e auto nobo aki di dialuna pa diasabra na Garage Cordia.

 

You May Also Like

Hilton Aruba

‘Contratistanan cu trahado ilegal ta fundeshi di problema cheap labor’

Segun minister di Labor sr. Paul Croes, e problematica di cheap labor cu tanto ...

Mayornan: Lunah sin tratamento necesario y cas, pendiente caso den corte

E situacion di Lunah, di cual su mayornan ta bringando den corte pa haya ...

CAft ta señala tambe gastonan colectivo halto (48,5% di GDP)

ORANEJSTAD – Durante e charla cu presidente di CAft a duna diahuebs pasa, dilanti ...

FADA ta lansa campaña AmigoDIDI pa Carnaval

Durante un conferencia di prensa cu a tuma luga na FADA, a presenta nan ...

Mayoria di trahadonan di CMB a vota pa FTA den referendum

Sindicato FTA a logra e mayoria di voto pa representa e trahadonan bancario di ...

Dep higiena hubileo Br.jpg

Departamento di Higiena mester di mas personal y instrumentonan

Diabierna anochi departamento di Higiena a celebra su 80 aniversario di existencia.   E ...