(AP) – Winter, aparentemente no lo bin back. Kit Harington a aclaria cu no lo tin un pelicula continuando Jon Snow su storia di e hit masivo di HBO “Game of Thrones.”
“No tin plan pa esaki actualmente. E no ta riba mesa pa awo,” Harington a conta The Associated Press durante un entrevista. “Game of Thrones” a caba den aña 2019 despues di 8 temporada, sinembargo e posibilidad di e continuacion a keda core rond y hopi a specula tocante esaki. Fanaticonan mester a warda 3 aña pa e unico serie basa riba e hit, e serie HBO “House of the Dragon,” cual ta tuma luga 2 siglo prome cu Game of Thrones.
Un serie cu ta centra alrededor di Snow, ken a cuminsa “Game of Thrones” como un ‘outcast’ y parti di The Nights Watch y a lucha pa yega na un posicion di mas poder na Westeror y e berdad tocante su ancestria, aparentemente tabatin algun aña den desaroyo. “Nos a tira rond algun idea pero nada a realmente keda, y nos lo laga esaki te akinan pa awo,” Harington a conta.
Un vocero di HBO a nenga duna comentario na AP.
E serie basa riba Snow no ta e prome cu a pone riba ijs. Den aña 2019, HBO aparentemente a stop un serie cu ta tuma luga miles di aña prome cu Naomi Watts y te hasta a graba un episodio pa presenta esaki.
Pa Harington, recientemente el a partner atrobe cu HBO pa aparece den e tercer temporada di e red su serie “Industry,” cual ta lansa fin di e aña aki. E actor a bisa cu e “tabata hopi contento” di por participa riba e serie, cual ta basa riba London su mundo financiero.
