Caso Avestruz ta e caso mas grandi di corupcion di tereno na Aruba. Un total di 11 sospechoso ta wordo acusa den e caso caminda e sospechoso principal ta ex-minister y actual parlamentario Sr. Oslin “Benny” Sevinger.
Durante e proximo dianan Bon Dia Aruba lo detaya un biografia chikito di cada di e sospechoso pa asina pueblo di Aruba por conoce e sospechosonan aki un poco mas y kico ta e acusacionnan contra e sospechosonan aki.
Edgar Roland Werleman y Ninosca Damira Nuñez
Sr. Werleman y Sra. Nuñez ta propietarionan di Damira Real Estate, Hospitality & Construction NV. E pareha aki, casa cu otro, tabata sospechoso tambe den e caso Ibis di ex-minister Paul Croes.
Caso Avestruz
Werleman y Nuñez ta wordo acusa di falsificacion, estafa y soborno di ambtenaar y ta sospecha di a haci esaki entre Januari 2014 te December 2017. Ariba 19 di april ambos sospechoso a keda deteni. Werleman a dura dies dia deteni mientras cu su casa a sali liber despues di tabata deteni pa nuebe dia.
