Pa proximo tres siman, ingenieronan militar ta bay train na Corsou y Aruba. Mas cu 100 militar Hulandes ta bay participa den e ehercicio anual di Caribbean Engineer. Durante e ehercicio, nan lo realisa trabaonan na sitionan di Defensa y yuda construi klasnan pa Fundashon Futuro Brillante.

E personal militar Hulandes di “105th Engineer Company” ta bay train nan habilidadnan tecnico y funcionamento den ekipo na Corsou y Aruba durante proximo simannan. E ehercicio anualmente programa aki ta ofrece e ingenieronan e oportunidad pa construi y innova bao di condicionnan tropical, poniendo nan conocemento y habilidadnan di construccion na prueba.

Durante nan estadia den Caribe, nan lo traha na diferente localidad riba proyectonan tecnico cu no solamente ta fortalece nan propio habilidadnan, pero tambe ta contribui na comunidad. Durante edicionnan anterior di Caribbean Engineer, e soldadnan a construi un post di warda pa Carmabi na Shete Boka, un toren di vigilancia riba flamingo den reserva natural Hermanus, y nan a lora manga tambe na scol Kolegio Chaya Willems.

E aña aki, e militarnan na Corsou ta yuda Fundashon Futuro Brillante construi klasnan adicional. Nan ta extende un rampa di boto na Base Naval Parera, renobando postnan di warda na Wacao, y proveyendo un afdak na e tereno di tiro di Daou pa asina e etrenamento por tuma lugar bao di tur condicion di tempo.

Na Aruba, e ingenieronan ta trahando for di Kazerne di Marina na Savaneta. Eynan nan ta mehorando un waf y desmantelando un rampa di boto, entre otro. Instalacionnan na e kazerne tambe ta ser renoba usando krannan pisa.

Den proximo simannan, regularmente lo mira e ingenieronan na Corsou y Aruba cu mashin excavator pa coba, truck, grua y mashin pa coba. E ekiponan grandi y importante aki a ser manda for di Hulanda pa Caribe, pa asina e militarnan por ehecuta nan tareanan optimalmente. Bao di condicionnan tropical, nan lo practica nan habilidad, aumenta posibilidad di keda desplega, y contribui na e infrastructura y e comunidad, fortaleciendo mas ainda e seguridad y resiliencia di e islanan.

 

Potret di Caribbean Engineer 2024.