(AP) – Biyonario y doño di Twitter Elon Muskc a bati alarma un biaha mas riba e peligronan di Inteligencia Artificial pa humanidad y a bisa cu e ‘chatbot’ popular aki tin un favoritismo liberal cual e tin plan di contraresta cu su propio creacion AI.
Musk a conta Fox News cu anfitrion Tucker Carlson den un parti di e programa cu e tin plan di crea su propio alternativa na e ‘chatbot’ popular ChatGPT cual e lo yama “TruthGPT,” cual lo bira un “AI cu ta busca e berdad pa purba di compronde e naturalesa di e universo.”
E idea, segun Musk, ta cu un AI cu kier compronde humanidad ta menos probabel di destrui esaki. Musk tambe a expresa preocupacion cu ChatGPT ta “den training pa ta politicamente corecto.”
Den e prome parti di e entrevista cu Calrson, Musk tambe a boga pa e regulacion di e inteligencia artificial, bisando cu e ta “un gran fanatico.” El a expresa cu AI ta “mas peligroso” cu autonan of rocketnan y tin e potencial di destrui humanidad. Tambe Musk a incorpora un negoshi nobo yama X.AI Corp., segun un documento di negoshi na Nevada. E website di Nevada a bisa cu a crea e negoshi aki dia 9 di maart y ta nombra Musk como e director y su consehero di hopi tempo Jared Birchall como e secretario.
Musk tin hopi tempo ta expresa opinionnan fuerte tocante inteligencia artificial y a yega di expresa cu e otro lidernan den tecnologia manera Mark Zuckerberg y Bill Gates tin un “comprendemento limita” di e veld aki.
Musk ta un di e prome inversionistanan den OpenAI, e compania tras di ChatGPT, y tabata co-director di e jhunta ora cu a funda esaki como un laboratorio di investigacion di AI sin fines de lucro. Sinembargo Musk a permanece pa algun aña so, retirando for di e hunta den comienso di aña 2018 den un movida cu e compania a relaciona cu Tesla bisando cu “mientras Tesla ta enfoca mas riba Inteligencia Artificial esaki lo elimina conflicto potencial pa Musk den futuro,” OpenAI a bisa den 2018.
“Mi a crea e nobmer y concepto,” Musk a bisa Carlson, lamentando cu awo OpenAI ta alia cercanamente cu Microsoft y no ta un compania sin fines di lucro mas. El a elobra tocante su retiro bisando cu e tabata relaciona tambe cu su enfoke riba problemanan di ingenieria na Tesla y algun diferencia di opinion cu lidernan di OpenAI. Tambe tabata “ta miho pa separa den bon termino.”
Den e aña despues cu Musk a retira di e hunta, OpenAI te ainda no tabata den dearoyo sinembargo si a revela publicamente e prome generacion di e sistema GPT, riba cual ChatGPT ta funda.
Pa aña 2020 Musk tabata expresando cu “OpenAI mester ta hopi mas habri” mientras tambe a nota cu e “no tabatin control y un bista hopi limita riba esaki”. Apesar cu den algun momento el a expresa compliment na ChatGPT, tambe el a enfatisa varios biaha ehempel di con e ta considera cu esaki ta demostra favoritismo cu politica izkierdista of censura. Di mesun manera cu otro Chatbot, ChatGPT tin filtronan cu ta preveni pa esaki duna contestanan toxico of ofensivo.
