(AP) — E co-fundador di Oracle Larry Ellison a tuma e titulo di hende mas rico di mundo for di e titular di hopi tempo Elon Musk diaranson, segun e tracker di rikesa Bloomberg, ora cu balor di accion den su compania di software a aumenta mas cu un tercer parti den un par di minuut asombroso den mundo comercio.
Un hende cu a bandona su estudio, Ellison di 81 aña su balor ta awor $393 biyon, Bloomberg ta indica, varios biyon mas cu Musk, kende tabata e persona mas rico di mundo pa 4 aña consecutivo. Accion den un di e posesion mas grandi di Musk, Tesla, a sigui un direccion opuesto di Oracle, cu a cay 14% te awor e aña aki desde diamars.
E cambio den e tabla di liderazgo a bin despues di un reportahe di ganashi extraordinario di Oracle impulsa pa ordennan di multi-biyon dollar di clientenan mientras e carera di AI ta intensifica.
Otro organisacion di noticia cu un historia largo di calcula e persona mas rico di mundo, Forbes, ainda tin Musk na e top, na $439 biyon. Bloomberg a pone su fortuna netto na $385 biyon. E diferencia ta den con e dos ta calcula e balor di e compania di raket SpaceX di Musk, entre otro posesion priva.
Cu e fortuna creciente di Ellison diaranson, e por financia e estilo di bida di 5 miyon famia Mericano pa un aña, rond di e poblacion completo di Florida, lagando nan tur bandona nan trabao, asumiendo e entrada mediano di un cas Mericano.
Of Ellison por a simplemente bisa Sur Africa completo pa tuma un vakantie pa un aña y no produci nada, basa riba su producto interno bruto.
