(Infobae) – E propuesta di CEO di SpaceX ta busca pa instala centronan di dato orbitando Tera, alimenta solamente cu energia solar di espacio, pa supera e limitacionnan energetico di Tera.

E vision di Elon Musk, CEO di SpaceX, riba e expansion di inteligencia artificial (AI) mas leu di planeta Tera, a bira controversial cu e anuncio cu, den menos cu tres aña, e ta plania di instala centronan grandi di dato den orbita di Tera.

Segun e empresario a splica, e paso aki lo hacie posibel pa supera e limitacionnan actual di energia riba Tera y lo habri un etapa cu lo transforma completamente e desaroyo, entrenamento y operacion di sistemanan di AI di proximo generacion.

Pakico Elon Musk kier centronan di dato di AI afo di Tera

Durante un combersacion riba e podcast Cheeky Pint, presenta pa Dwarkesh Patel, e empresario a splica cu su obhetivo ta pa instala aceleradornan grafico den espacio, loke el a defini como “pone un terawatt di GPU den orbita”.

E infrastructura aki, alimenta completamente pa energia solar colecta pafo di atmosfera, lo logra un eficiencia te cinco biaha mas halto cu panelnan riba superficie di Tera.

E magnate tecnologico ta basa e diferencia aki riba e ausencia di factornan terestre manera ciclo di dia-anochi, nubia of stacionnan, y el a yega te specifica: “Solamente e atmosfera ta produci un perdida di energia di mas o menos 30%”.

Durante e entrevista, Musk a splica cu su proyecto ta inclui e lansamento di te un miyon satelite rond di Tera, cual lo ta interconecta pa forma complehonan di procesamento dedica exclusivamente na inteligencia artificial.

El a menciona cu panelnan solar di espacio por ser fabrica mas economicamente, pasobra nan no ta rekeri sosten grandi ni sistemanan di almacenamento manera bateria special of glas reforsa, cu ta necesario den e ambiente terestre.

Cua ta e retonan tecnico di e plan di Elon Musk den espacio

Ora e presentador a puntra riba e retonan tecnico di opera e tipo di centronan di dato aki pafo di Tera, Musk a minimisa e complicacionnan di mantene y repara procesadornan den microgravidad.

El a sostene cu, despues cu e fase inicial di purificacion di chipnan fabrica door di companianan manera Nvidia, Tesla of desaroyonan similar, e aparatonan ta ofrece un grado halto di confiabilidad: “No kere cu mantencion ta un problema”, el a bisa.

Sinembargo, e dialogo a toca otro dificultadnan, manera e exposicion di hardware na radiacion cosmico of e maneho eficiente di ‘bandwitch’ usando laser di gran capacidad, esencial pa transmiti gran volumen di dato entre orbita y superficie.

Frente di e punto nan aki, Musk a concentra riba un limitacion diferente: e falta di turbina adecua pa friamento di e sistemanan, sin drenta mas profundo den e resto di obstaculonan tecnico menciona.