(BBC) – Sir Elton John a describi gobierno como “losers” y a bisa cu e ta sintie “increiblemente traiciona” riba plannan pa exonera empresanan di tecnologia di ley di derecho di autor.

Papiando exclusivamente cu Laura Kuenssberg diadomingo, el a bisa cu si ministernan sigui cu plannan pa permiti empresanan di inteligencia artificial usa contenido di artistanan sin paga, nan lo ta “cometiendo ladronicia, ladronicia na un escala halto”.

E siman aki gobierno a rechasa proposicion di e ‘House of Lords’ pa forsa companianan di inteligencia artificial pa divulga ki material nan ta usando pa desaroya nan programa.

Un vocero di gobierno a bisa cu “no ta considera ningun cambio na ley di derecho di autor al menos cu nos ta completamente satisfecho cu nan ta traha pa creadornan”.

Programanan di AI generativo ta mina, of siña, for di cantidad grandi di dato manera texto, imagen of musica online pa genera contenido nobo cu ta sinti manera el a ser traha pa un hende.

Sir Elton a bisa cu e “peliger” ta cu, pa artistanan jong, “nan no tin e recursonan … pa bringa [empresanan] grandi di tecnologia”.

“E ta criminal, den e sentido cu mi ta sinti mi increiblemente traiciona”, el a agrega.

Dialuna, e ‘House of Lords’ a vota cu un mayoria di 147 pa cambia e Proyecto di Ley di Dato (Uso y Acceso) pa agrega rekisito di transparencia, cu tin como meta pa garantisa cu e titular di derecho di autor mester duna permiso pa nan obra ser usa.

Pero diaranson Parlamentario den ‘House of Lords’ a vota pa rechasa e cambio aki, loke ta nifica cu e proyecto di ley lo sigui bay bin entre e dos casnan te ora nan yega na un acuerdo riba dje.

Sir Elton a adverti cu e gobierno tabata riba caminda pa “horta hoben di nan herencia y nan entrada”, agregando cu e tabata kere cu e gobierno tabata “djis ta losers, y mi ta hopi rabia riba esey”.

E cantante a bisa cu Prome Minister Sir Keir Starmer mester a “sa” y describi Secretario di Tecnologia Peter Kyle como “un tiki un bobo”.

El a bisa cu si gobierno cambia su plan, e lo ta cla pa hiba ministernan corte, bisando cu “nos lo bringa tur caminda”.

Papiando hunto cu e homber di 78 aña, e dramaturgo James Graham a bisa cu ministernan “si ta compronde e balor di creatividad… pero loke ta frustrante ta sea e complaciente of e boluntad pa laga e rumannan di tecnologia di Silicon Valley haci tur cos na nan mes manera”.

El a agrega cu e prome minister “no mester bende” e siguiente generacion di cantante, escritor di cantica, musiconan y creadornan di musica “pabao di e rio y laga tur e talento ey ser aplasta dor di laga botnan di inteligencia artificial sin alma plunder nan trabou”.

Prome cu e votacion den e ‘House of Lords’, Sir Elton a join mas cu 400 musico, escritor artista Britanico den firma un carta cu ta pidi e prome minister pa actualisa e leynan di derecho di autor na un manera cu ta proteha nan di inteligencia artificial.

E cantante di The Beatles, Sir Paul McCartney, kende tambe a firma e carta, anteriormente a bisa BBC cu tin un riesgo cu AI lo crea un “Wild West” den cual e derecho di autor di artistanan no tabata proteha corectamente.

Un vocero di gobierno a bisa cu e kier pa e industrianan creativo di Reino Uni y companianan di inteligencia artificial “florece, p’esey nos ta consulta riba un pakete di medida cu nos ta spera lo funciona pa tur dos sector”.

E vocero a bisa cu ta “vital” pa gobierno traha a traves di contesta riba un consulta riba proposicion pa permiti desaroyador usa contenido di creadornan a menos cu e doñonan di derecho scoge pa “opt out”.

Nan a agrega cu tabata “mescos importante pa nos pone e base awor ora nos ta considera e siguiente pasonan”.

“Ta p’esey nos a compromete na publica un rapport y evaluacion di impacto economico – explorando e rango amplio di asunto y opcion na tur banda di e debate.”