(NLTimes) – E compania di produccion Hulandes NewBe a gana e International Emmy for Kids: Live Action pa su version di e serie di television Austraiano Heartbreak High. NewBe a crea e serie cu compania di produccion Britanico Fremantle.
Heartbreak High a trata e bida diario di un grupo di hobennan na Australai. E serie ta basa riba e drama di e mesun nomber cu tabata ser pasa riba television na Australia for di aña 1994 te cu 1999. E programa tabata sumamente popular entre hobennan na Hulanda.
Jeroen Koopman di NewBe a conta NOS na e fiesta di celebracion na New York cu e victoria tabata “practicamente inespera.” Un colega di Australia a acepta e premio y a duna e speech. “Mi por a clap y hari so.”
Koopman tabata un fanatico di e Heartbreak High original. “Nos tabatin e idea na NewBe 2 pa 3 aña atras, pa haci un version nobo di e serie. E tabata parse un bon idea pa nos si e serie por tuma luga na Australia atrobe,” el a conta e noticiero.
Ya caba e serie a gana 6 premio AACTA na Australia y Netflix recientemente a anuncia cu lo tin un di dos temporada.
