Encuentro entre Latino America, Caribe y China na Chile

E delegadonan cu ta asisti na e prome foro academico di Comunidad di Estado Latino Americano y Caribense (CELAC) a subraya e oportunidadnan enorme di cooperacion economico, politico, social y cultural entre China y e paisnan di America Latino y Caribe.

Segun e Comision Economico pa America Latino y Caribe (Cepal), e delegadonan particularmente a reconoce e oportunidadnan aki, “den e contexto internacional actual marca pa incertidumbre, e efectonan di cambio di clima y e resureccion di tendencianan proteccionista.”

Ministro di Asunto exterior di Chile, Heraldo Muñoz,  a papia di “e significado di tene un reunion di e indole aki den nos region pa prome biaha, apenas algun luna prome cu e di dos Reunion di Ministro di asunto exterior di CELAC y China, programa pa januari proximo na Santiago.

“Sin ningun duda, esaki lo ta un momento historico den sentido cu e lo permiti nos profundisa e lasonan na ambos banda ainda mas. E oportunidadnan pa cooperacion den diferente area ta hopi  grandi,” el a declara.

E director general di e Instituto di Estudio Latino Americano di e Academia Chines di Ciencia Social (ILAS-CASS), Wu Baiyi, a indica cu mientras China y America Latino y Caribe por ta geograficamente distante, encuentronan manera e foro aki ta yuda pa fortifica laso entre ambos banda.

“Manera presidente Chines Xi Jinping a bisa, amistad por cubri distancia,” el a bisa, añadiendo cu cooperacion entre China y America Latino y Caribe ta “di suma importancia, specialmente den un mundo asina globalisa manera esun actual.”

Secretario ehecutivo di Cepal, Alicia Bárcena,  a bisa cu “no tin miho tempo cu e presente, marca pa incertidumbre economico y politico y efectonan ambiental costoso den henter mundo, pa habri un debate entre China y America Latino y Caribe.”

Cepal a bisa cu e delegadonan, den diferente panel, a atende e reformanan economico na China y nan implicacion pa America Latino y Caribe, specialmente cu bista riba e di 19 Congreso Nacional di Partido  Comunista di China, cu a cuminsa ayera na Beijing.

 

You May Also Like

31 homosexualnan di Chechenya a haya asiel na Canada

Canada a otorga asiel na 31 homosexualnan di Chechenya. E noticia aki ta bin ...

E lider di mas jong na mundo lo lidera Austria

Austria ta cla pa eligi e lider di mas jong na mundo – un ...

el chapo.jpg

Bida di El Chapo den prizon: Nan ta bay comberti mi den un Zombie

Awo cu El Chapo ta den prizon Altiplano, e mesun cu el a scapa for ...

Troncon di mata ta cay riba hoben durante campamento y kita su bida

Un mucha muhe di 15 aña a muri durante un trip di campamento na ...

afp-57337248e85b034bf314b11f4874266f47214da0.jpg

Vaticano acusa di sconde informacion di abuso di mucha

Obisbo di Minnesota, Bernard Hebda, ta pidi disculpa di parti di e Iglesia Catolico ...

Indonesia: Tsunami despues di erupcion volcanico: 222 morto

E saldo mortal preliminar di e tsunami cu a dal playanan turistico y areanan ...