Esaki ta necesario pasobra prijs di compra a subi tur caminda . E ultimo cambio di prijs tabata na luna di mei 2021. Expectativa ta cu den e periodo binidero e tarifanan lo sigui subi. Motibo di esaki ta principalmente pasobra no a inclui e asina yama ‘Fuel supply guarantee – garantia di suministro di combustibel’ completamente den e tarifanan di aña pasa ainda. E provision aki ta e encargo riba prijs di combustibel como consecuencia di e situacion na refineria di Corsou. Pa motibo cu na Corsou pa basta tempo caba no tin operador, pero e refineria si tin cu keda parcialmente operacional pa suministro di combustibel na Corsou y Boneiro, ta asigna e gastonan extra aki na e combustibel nan aki. E recargo actual na Corsou ta 12,53 cen di doller pa liter di gasolin of diesel, pero durante aña pasa esaki tabata hopi mas halto ainda.

Na e momento aki Entidad Publico Boneiro ta investiga cua recargo mester calcula den e tarifanan pa Boneiro. Pa no cana mucha atras cu pago di e recargo aki y pa preveni cu den futuro lo tin un aumento grandi di prijs, entrante 18 di november lo calcula un recargo di 5 cen di doller pa liter di gasolin of diesel. Tambe Entidad Publico Boneiro ta investiga te con leu mester adapta e margennan na Boneiro.

 

LEAVE A REPLY

Please enter your comment!
Please enter your name here