Escritor ganado di Oscar pa “ 12 Years a Slave” ta regresa cu un proyecto nobo cual lo mira e caracteristica di Batman manera un homber color scur y e fanaticonan ya tin un idea di ken e lo por ta.
John Ridley ta encabesa un di 4 edicion di e serie comico limita pa DC, den cual e cabayero scur no lo ta Bruce Wayne, sino un personahe completamente diferente, un cu probablemente lo ta Afro-mericano. Noticianan a anuncia esaki den weekend durante e evento online di Fandome.
Ridley a haci chercha di e hecho cu Batman no lo ta di color blanco, bisando: “Mi ta kere cu e lo ta un apuesta bastante sigur cu si mi ta skirbiendo Batman, probablemente lo tin mas cu un 47% di posibilidad cu e lo ta un persona di color scur.” Batman, ta di color scur, sin embargo, a ser confirma ora John a bisa cu e storia probablemente lo wordo centra den e personahe Lucius Fox y su famia, cual e publico conoce hopi bon.
Lucius ta e director di Wayne Enterprises den e comicnan y a wordo interpreta door di Morgan Freeman den e trilogia “Dark Knight” di Christopher Nolnan. E ta un poco mayor caba pa e por luci e capa e mes, pero su yiu, Luke, ta conoci den algun interaccionnan den Batwing, un di e compinchenan di Batsy. Den poco palabra, si e fanaticonan ta kere lo tin Black Batman, Luke lo ta un opcion bisto. E serie nobo limita ta programa pa wordo publica den januari 2021, hopi pronto.
