E estado Aleman di Bavaria ta cla pa acepta un gran parti di un plan di ambientalistanan pa salba abeha y proteha biodiversidad, evitando asina un referendum tocante e asunto.
Na februari, sostenedonan di e plan a colecta casi 1.75 miyon di firma, mas di 18% di e electorado di e region y suficiente pa forsa un voto. E lo dedica mas espacio pa proteha insecto den peliger, y prohibi hopi pesticida for di un tercera parti di tereno agricultor na Bavaria.
Lidernan di e dos partido gobernando Bavaria – tur dos aliado tradicional di e cunukeronan, kende a critica e propuesta – a bisa ayera cu nan lo duna sosten na e plan den legislatura estatal. Pero e agencia noticiero dpa a reporta cu nan a bisa algun aspecto lo wordo clarifica, y lo tin pago pa e cunukeronan pa suavisa e impacto.
