(AFP)—Aki un monumento cu presidente di Merca, Donald Trump, probablemente no lo ta contento di mira su nomber riba dje: un W.C. di oro cerca di Cas Blanco.
Coloca den un estilo di marmer falso— manera Trump gusta — e W.C. pinta di oro tin un plakkaat cu ta lesa: “Un trono digno pa un rey.”
E instalacion temporal crea pa un grupo artistico clandestino cu ta yama nan mes “Secret Handshake” a atrae un fila largo di turista y opositor di Trump cerca di Lincoln Memorial diamars, cerca di di Cas Blanco.
“Mi a bin Washington pa tuma e potret aki pasobra mi odia Trump,” Nancy Chase, 78 aña, a bisa AFP.
Trump a pasa gran parti di su prome aña back na poder poniendo su estilo distintivo riba Washington.
E famoso Oficina Oval awor ta yen di decoracion di oro, e anteriormente elegante y simpel Rose Garden a ser tapa cu cement, y henter e ‘East Wing’ di Cas Blanco a ser destrui pa crea luga pa un sala di baile gigante.
Trump ta gusta specialmente pone su mes den centro di atencion — cu su imagen apareciendo riba un moneda nobo y su nomber den letra grandi riba Kennedy Arts Center den capital.
William Hoker, ken a bay riba bicicleta pa mira e W.C. di oro satirico, a bisa cu e ta un monumento apropia.
“Mi kier a mira e estatua aki prome cu e disparce, y mi ta kere cu e ta representa perfectamente e homber den Cas Blanco — e ta simplemente un demostracion vulgar,” e pensionado di 69 aña a bisa AFP.
“Mi ta pensa cu definitivamente tin mester di burla e presidente,” su amigo Steve Toulotte a agrega.
Un tipo di grupo artistico guerrilla, “Secret Handshake” a coloca varios estatua temporal provocativo na Washington durante e ultimo aña, incluyendo un cu ta mustra Trump hunto cu su ex-amigo, e delincuente sexual notorio Jeffrey Epstein.
