(NLTimes) – Un cambio a ser observa den e grupo di sospechosonan cu a ser aresta pa strobamento y crimen den e centro di Amsterdam, cual awo ta conta cu hopi mas stranhero compara cu e personanan cu tin nacionalidad Hulandes.
Esaki a sali for di investigacion cu a oficina di e alcalde a comisiona, y e oficinanan di districto di OM, segun Femke Halsema a skirbi den un carta manda na e conseho di e ciudad.
E figuranan aki ta confirma e imagen cu recientemente a keda sugeri den un articulo den De Telegraaf. Den e articulo aki, e personanan di cuerpo policial cu a revela informacion a bisa cu “e ciudad ta ser terorisa pa un grupo di solicitantenan di asilo cu no tin speransa” y un gran cantidad di cuerpo policial su capacidad ta ser dedica na e problematica aki. Halsema a bisa cu e observacionnan aki a yega e oficina di e ciudad su liderazgo, y nan a pidi pa expande e investigacion aki.
E cantidad di sospechosonan di crimen registra cu nacionalidad Hulandes a disminui den ambos termino relativo y absoluto, for di e figura den aña 2019 di 3,146 te cu 1,712 den aña 2022. E porcentahe di e sospechosonan stranhero a aumenta di 34 porciento pa 48.4 porciento.
